CBSE
CBSE Class 10th Results : సెంట్రల్ బోర్డు ఆఫ్ సెకండరీ ఎడ్యుకేషన్(సీబీఎస్ఈ) 10వ తరగతి ఫలితాలు విడుదల అయ్యాయి. శుక్రవారం మధ్యాహ్నం సీబీఎస్ఈ బోర్డు ఫలితాలను విడుదల చేసింది. ఈ ఫలితాలను అధికారిక వెబ్ సైట్ లో అందుబాటులో ఉంచారు. cbseresults.nic.in లేదా cbse.gov.in వెబ్ సైట్ ల ద్వారా విద్యార్థులు ఫలితాలను తెలుసుకోవచ్చు.
ఈ ఏడాది ఫిబ్రవరి 15 నుంచి మార్చి 21 వరకు సీబీఎస్ఈ 10వ తరగతి పరీక్షలు నిర్వహించారు. దేశ వ్యాప్తంగా దాదాపు 19 లక్షల మంది విద్యార్థులు పరీక్షలు రాశారు. ఈ ఏడాది మొత్తం ఉత్తీర్ణత 93.12 శాతంగా ఉందని సీబీఎస్ఈ బోర్డు వెల్లడించింది. గతేడాదితో పోలిస్తే ఈ ఏడాది ఫలితాలు మెరుగ్గా ఉన్నట్లు పేర్కొంది.
CBSE Result : CBSE క్లాస్ 12 ఫలితాలు విడుదల.. ఫలితాలను చూసుకోవటం ఎలాగంటే ?
మరోవైపు సీబీఎస్ఈ 12వ తరగతి ఫలితాలు కూడా శుక్రవారం విడుదల అయ్యాయి. cbseresults.nic.in లేదా cbse.gov.in వెబ్ సైట్ ల ద్వారా విద్యార్థులు ఫలితాలను తెలుసుకోవచ్చు. ఈ ఏడాది ఉత్తీర్ణత 87.33గా నమోదు అయిందని సీబీఎస్ఈ బోర్డు వెల్లడించింది.
కరోనా తర్వాత నమోదైన అత్యధిక ఉత్తీర్ణత శాతం ఇదేనని తెలిపింది. 2019లో సీబీఎస్ఈ 12 వ తరగతి ఉత్తీర్ణత 83.40 శాతంగా నమోదు అయింది. ప్రాంతాల వారీగా చూస్తే తిరువనంతపురంలో అత్యధికంగా 99.91 శాతం మంది విద్యార్థులు ఉత్తీర్ణత సాధించారు.
