SSC GD Final Result : త్వరలో ఎస్ఎస్‌సీ జీడీ ఫైనల్ రిజల్ట్స్, మెరిట్ లిస్టు విడుదల.. పూర్తి వివరాలు ఇవే!

SSC GD Final Result 2024 Date : ఎస్ఎస్‌సీ జీడీ కానిస్టేబుల్ 2024 పరీక్షకు సంబంధించిన ఫైనల్ రిజల్ట్స్ స్టాఫ్ సెలక్షన్ కమిషన్ (SSC) డేట్ త్వరలో విడుదల చేయనుంది. ఈ పరీక్షకు హాజరైన వారు తమ ఫలితాలను కమిషన్ అధికారిక వెబ్‌సైట్ (ssc.gov.in) ద్వారా డౌన్‌లోడ్ చేసుకోవచ్చు.

అయితే, ఎస్ఎస్‌సీ జీడీ ఫైనల్ మెరిట్ జాబితా 2024 విడుదల తేదీని కమిషన్ ఇంకా వెల్లడించలేదు. ఎస్ఎస్‌సీ జీడీ రాతపరీక్షలో ఉత్తీర్ణత సాధించిన అభ్యర్థులు ఫిజికల్ ఎఫిషియెన్సీ టెస్ట్ (PET) లేదా ఫిజికల్ స్టాండర్డ్ టెస్ట్ (PST)కి హాజరు కావాలి. ఎంపికైన అభ్యర్థుల తుది ఫలితాలు ఎప్పుడైనా వెలువడే అవకాశం ఉంది.

ఎస్ఎస్‌సీ జీబీ ఫైనల్ మెరిట్ జాబితా 2024 : ఇలా చెక్ చేసుకోండి

• ఎస్ఎస్‌సీ అధికారిక వెబ్‌సైట్ (ssc.gov.in)కి వెళ్లండి.
• హోమ్ పేజీలో, ‘Results’ సెక్షన్‌కు వెళ్లండి.
• ఆపై స్క్రీన్‌పై కనిపించే ‘SSC GD కానిస్టేబుల్ ఫైనల్ మెరిట్ లిస్ట్ 2024’ లింక్‌పై క్లిక్ చేయండి.
• కొత్త పీడీఎఫ్ ఫైల్‌లో మీ రోల్ నంబర్‌ని సెర్చ్ చేసి వెరిఫై చేయండి.
• ఫైల్‌ను డౌన్‌లోడ్ చేసిన తర్వాత పేజీ హార్డ్ కాపీని సేవ్ చేయండి.

అధికారిక ఎస్ఎస్‌సీ జీడీ నోటిఫికేషన్ ప్రకారం.. జనరల్ కేటగిరీకి చెందిన వారికి లేదా మాజీ సైనికులకు కనీస అర్హత మార్కులు 35 శాతంగా ఉండాలి. ఎస్సీ, ఎస్టీ లేదా ఓబీసీ వర్గాలకు చెందిన వారు పరీక్షలో ఉత్తీర్ణత సాధించడానికి కనీసం 33 శాతం మార్కులను సాధించాలి. ఈ రిక్రూట్‌మెంట్ డ్రైవ్ ద్వారా సీఐఎస్‌ఎఫ్‌లో 13,632, బీఎస్‌ఎఫ్‌లో 12,076, సీఆర్‌పీఎఫ్‌లో 9,410, ఐటీబీపీలో 6,287, అస్సాం రైఫిల్స్‌లో 2,990, ఎస్‌ఎస్‌ఎఫ్‌లో 1,926తో సహా 46,617 స్థానాలను భర్తీ చేయాలని కమిషన్ లక్ష్యంగా పెట్టుకుంది.

మహిళలకు 2,231, పురుషులకు 17,365 ఓపెన్‌ స్థానాలు ఉన్నాయి. అంతేకాకుండా ఎస్సీలకు 6,032, ఎస్టీలకు 4,318, ఓబీసీకి 8,712, పురుషులకు ఈడబ్ల్యూఎస్‌కు 5,040 సీట్లు రిజర్వు అయ్యాయి. ఎస్సీ అభ్యర్థులకు 764 ఉద్యోగాలు, 476 ఎస్టీ అభ్యర్థులు, 1,087 ఓబీసీ అభ్యర్థులు, 592 ఈడబ్ల్యూఎస్ పోస్టులకు మహిళా అభ్యర్థులు అర్హులు.

Read Also : Moto G35 5G Launch : భారత్‌లో మోటో జీ35 5జీ ఫోన్ వచ్చేస్తోంది.. ఈ నెల 10నే లాంచ్.. కీలక ఫీచర్లు ఇవే..!