Time Capsule Box : 118 సంవత్సరాల ‘టైమ్ క్యాప్సూల్ బాక్స్’ ..అందులో ఏమున్నాయంటే?

US Time Capsule Box

Viral News : US ఫైర్ డిపార్ట్‌మెంట్ ఓ పాతబడిన భవనం నుంచి 118 సంవత్సరాల నాటి టైమ్ క్యాప్సూల్ బాక్స్‌ను కనుగొన్నారు. పబ్లిక్ ఈవెంట్‌లో జూన్ 1న తెరిచిన ఆ బాక్స్‌లో 1905 నాటి కొన్ని వస్తువులు బయటపడ్డాయి.

Elderly man song viral : పాత్రపై సంగీతం వాయిస్తూ పెద్దాయన పాడిన పంజాబీ పాట వినండి

US లోని ఓహియో మారియన్ నగరంలో అగ్నిమాపక సిబ్బంది ఓ పాత భవనాన్ని కూల్చడం మొదలుపెట్టారు. ఆ సమయంలో ఓ స్తంభం తొలగించే క్రమంలో రాగి పెట్టె ఒకటి కనిపించింది. దాదాపుగా ఆ బాక్స్ అక్కడ అమర్చి 118 సంవత్సరాలు అవుతోంది. పెట్టె మొత్తం రాగితో తయారు చేయబడింది. బరువుగా ఉన్న ఆ పెట్టెలో కొన్ని వస్తువులు ఉన్నట్లు వారు గమనించారు.

అయితే ఆ పెట్టెను పబ్లిక్‌లోనే తెరవాలని నిర్ణయించారు. చివరకు జూన్ 1 న బాక్స్ తెరిచారు. అందులో 9 మారియర్ ఫైర్ డిపార్ట్ మెంట్ బ్యాడ్జ్‌లు.. భవనానికి సంబంధించిన కొన్ని లీజు పేపర్లు, అగ్రిమెంట్లు, 1905 లో నగరంలో ఉన్న అధికారుల జాబితా, ఆ సంవత్సరంలో లోకల్ న్యూస్ పేపర్ ‘ది మారియన్ స్టార్’ నాలుగు కాపీలు, కాల్పుల గురించి వివరించే పుస్తకం అందులో ఉన్నాయి. వీటికి సంబంధించిన ఫోటోలను అగ్నిమాపక సిబ్బంది ఫేస్‌బుక్‌లో పోస్ట్ చేసింది.

Kolkata 100 Years Tea : ఈ టీ షాప్‌కి వందేళ్ల చరిత్ర .. రాగిపాత్రలో తయారు చేసే టీ ఫుల్ ఫేమస్..

ఈ పోస్టుపై చాలామంది కామెంట్లు చేశారు. ‘చరిత్రకు సంబంధించిన ఫోటోలు చూడటం అద్భుతంగా ఉందని.. మీరు ఇలాంటి టైమ్ క్యాప్సూల్‌ని కొత్త నిర్మాణాలలో దాచాలని’ సూచించారు. ప్రస్తుతం ఈ పోస్టు వైరల్ అవుతోంది.