Abu Dhabi crowned as the richest city in the world ( Image Source : Google )
Abu Dhabi : ప్రపంచంలోనే అత్యంత సంపన్న దేశంగా అబుదాబి అవతరించింది. సావరిన్ వెల్త్ ఫండ్స్ ప్రకారం.. అక్టోబర్ 2024 నాటికి గ్లోబల్ ఎస్‌డబ్ల్యూఎఫ్ అబుదాబి నగరం ప్రపంచంలోనే అత్యంత సంపన్నదేశంగా అగ్రస్థానంలో నిలిచింది. ఈ దేశం మొత్తం 1.7 ట్రిలియన్ డాలర్ల మూలధనాన్ని కలిగి ఉందని అంచనా.
ఆ తర్వాత ఓస్లో (ప్రపంచంలోని అతిపెద్ద ఎస్ఎ డబ్ల్యూఎఫ్, ఎన్‌బీఐఎమ్), బీజింగ్, సింగపూర్, రియాద్, హాంకాంగ్ ఉన్నాయి. సమిష్టిగా, ఈ 6 నగరాలు ప్రపంచవ్యాప్తంగా సార్వభౌమ సంపద నిధుల మూలధనంలో మూడింట రెండు వంతుల వాటాను కలిగి ఉన్నాయి. 2024 అక్టోబర్ 1 నాటికి మొత్తం మూలధనం విలువ 12.5 ట్రిలియన్లుగా నమోదైంది.
ఈ మొత్తం అబుదాబి ఇన్వెస్ట్‌మెంట్ అథారిటీ (AIDA), ముబాదలా, అబుదాబి ఇన్వెస్ట్‌మెంట్ కౌన్సిల్ (ADIC), అబుదాబి డెవలప్‌మెంటల్ హోల్డింగ్ కంపెనీ (ADQ), లునేట్, అబుదాబి ఫండ్ ఫర్ డెవలప్‌మెంట్ (ADFD), తవాజున్, ఎమిరేట్స్ ఇన్వెస్ట్‌మెంట్ ద్వారా ఆస్తులను కలిగి ఉంది. అబుదాబి నగరం ఆర్థిక మూలధనంలో మాత్రమే కాకుండా హ్యుమన్ క్యాపిటల్‌లో కూడా మొదటి స్థానంలో నిలిచింది. ఎస్‌డబ్ల్యూఎఫ్‌లో 3,107 మంది సిబ్బందిని కూడా నియమించింది. సావరిన్ వెల్త్ ఫండ్ అనేది ప్రభుత్వ యాజమాన్యంలోని పెట్టుబడులను నిర్వహిస్తుంటుంది.
ఈ నిధులు దేశ ఆర్థిక వ్యవస్థతో పాటు దేశ పౌరులకు కూడా ప్రయోజనం చేకూరుస్తాయి. సంస్థాగత పెట్టుబడిదారుల ఆకట్టుకునే పోర్ట్‌ఫోలియోతో నగరం గత కొన్ని దశాబ్దాలుగా భారీ వృద్ధిని సాధించింది. సావరిన్ వెల్త్ ఫండ్స్ (SWF) కాకుండా, ఎమిరేట్ అనేక ఇతర రకాల ఆర్థిక కార్యకలాపాలను నిర్వహిస్తుంది. ఇందులో దేశం కరెన్సీ, ద్రవ్య నిల్వలను నిర్వహించే సెంట్రల్ బ్యాంక్‌లు, పౌరులకు పబ్లిక్ పెన్షన్ ఫండ్‌లు (PPF), రాజ కుటుంబ సభ్యులతో ముడిపడిన కుటుంబ కార్యాలయాలు రాయల్ ప్రైవేట్ కార్యాలయాలు ఉన్నాయి.
పబ్లిక్ క్యాపిటల్ 2.3 ట్రిలియన్ డాలర్లు :
ప్రస్తుతం అబుదాబి పబ్లిక్ క్యాపిటల్ 2.3 ట్రిలియన్ డాలర్లుగా ఉంది. 1950వ దశకంలో అబుదాబిలో చమురును కనుగొంది. అప్పటి నుంచి నగరం ఒక ప్రధాన చమురు ఉత్పత్తిదారుగా మారింది. ప్రపంచంలోనే ఈ నగరం ఆర్థిక స్థితికి ప్రధాన వనరుగా నిలిచింది. అబుదాబి ప్రపంచంలోని అగ్రశ్రేణి ఇంధన ఉత్పత్తిదారులలో ఒకటిగా ఉంది. యూఏఈ చమురులో 95శాతం, గ్యాస్‌లో 92శాతం కలిగి ఉంది. నగరం అభివృద్ధిని పరిశీలిస్తే.. నగరం చమురు వ్యాపారం ప్రారంభించిన వెంటనే ఏడీఐఏ స్థాపించింది.
అబుదాబిలో 5 ఆసక్తికరమైన విషయాలివే :
ల్యాండ్ ఆఫ్ ది గజెల్ : “అబుదాబి” అనే పేరు “ఫాదర్ ఆఫ్ ది గెజెల్” పేరు నుంచి వచ్చింది. ఈ అందమైన నగరం జంతువుల ప్రాంతంగా చారిత్రకంగా నిలిచింది.
ప్రపంచంలోని పురాతన ముత్యం : 8వేల సంవత్సరాల క్రితం నాటి ప్రపంచంలోనే అత్యంత పురాతనమైన ముత్యం అబుదాబిలో కనుగొన్నారు.
ఫాల్కన్రీ రిచ్ రేడిషన్ : ఫాల్కన్రీ అనేది అబుదాబిలో ప్రాచీన సంప్రదాయం. ఎమిరేట్ నైపుణ్యం కలిగిన ఫాల్కనర్లు, గంభీరమైన పక్షులకు ప్రసిద్ధి చెందింది.
మొదటి పాపల్ సందర్శన : పోప్ ఫ్రాన్సిస్ 2019లో అరేబియా ద్వీపకల్పాన్ని సందర్శించినప్పుడు అబుదాబి మొదటి పాపల్ సందర్శన ప్రదేశంగా పేరుగాంచింది.
చమురు ఆవిష్కరణ : 1950 చివరలో అబుదాబిలో చమురు కనుగొన్నారు. ఎమిరేట్ ఆర్థిక వ్యవస్థ, అభివృద్ధిని గణనీయంగా మార్చింది.
