‘మేజర్’ ఫస్ట్‌లుక్ రిలీజ్ చేసిన మహేష్..

Major FirstLook: అడివి శేష్ హీరోగా, ‘గూఢచారి’ ఫేం శశి కిరణ టిక్కా దర్శకత్వంలో, సూపర్‌స్టార్ మహేష్ బాబు GMB Entertainment బ్యానర్‌తో కలిసి ఏ ప్లస్ ఎస్, సోనీ పిక్చర్స్ సంస్థలు నిర్మిస్తున్న మూవీ ‘మేజర్’. తెలుగమ్మాయి శోభితా ధూళిపాళ్ల, బాలీవుడ్ బ్యూటీ సైయీ మంజ్రేకర్ కథానాయికలు.

26/11 ముంబై దాడుల్లో వీర మరణం పొందిన మేజర్ సందీప్ ఉన్నికృష్ణన్ జీవితం ఆధారంగా తెరకెక్కుతున్న ఈ చిత్రం ఫస్ట్‌లుక్ గురువారం శేష్ పుట్టినరోజు సందర్భంగా మహేష్ బాబు రిలీజ్ చేశారు. శేష్‌కి బర్త్‌డే విషెస్ తెలియజేస్తూ.. అతని కెరీర్‌లో ‘మేజర్’ బెస్ట్ పెర్ఫార్మెన్స్‌లో ఒకటిగా నిలుస్తుందని ఆశాభావం వ్యక్తం చేశారు మహేష్.

‘మేజర్’ గా శేష్ లుక్ ఆకట్టుకుంటోంది. ఈ సినిమాలో మిలటరీ అధికారిగా కనిపించడానికి తను కఠినమైన వర్కౌట్స్ చేసి బరువు తగ్గాడు. ప్రకాష్ రాజ్, రేవతి, మురళీ శర్మ కీలక పాత్రల్లో నటిస్తున్నారు.

తెలుగుతో పాటు హిందీలోనూ తెరకెక్కుతున్న ఈ ‘మేజర్’ చిత్రానికి స్క్రీన్‌ప్లే : అడవి శేష్, స్క్రిప్ట్ గైడెన్స్, డైలాగ్స్ : అబ్బూరి రవి, హిందీ డైలాగ్స్ : అక్షత్ అజయ్ శర్మ, కెమెరా : వంశీ పచ్చిపులుసు, సంగీతం : శ్రీ చరణ్ పాకాల.