లక్షణాలు లేని కరోనా రోగులు ఇంట్లోనే ఉండి తీసుకోవాల్సిన జాగ్రత్తలపై తెలంగాణ ప్రభుత్వం మార్గదర్శకాలు
లక్షణాలు లేని కరోనా రోగులు ఇంట్లోనే ఉండి తీసుకోవాల్సిన జాగ్రత్తలపై తెలంగాణ ప్రభుత్వం మార్గదర్శకాలు విడుదల చేసింది.
* కరోనా బాధితులు రోజూ 2 లీటర్ల గోరువెచ్చటి నీటిని తాగాలి.
* ఇంట్లో గాలి, వెలుతురు వచ్చేలా చూసుకోవాలి.
* ఆరోగ్యంగా ఉన్న కుటుంబ సభ్యులే వారికి సేవలందించాలి.
* చిన్నపిల్లలు, గర్భిణులు, దీర్ఘకాలిక వ్యాధులతో బాధపడేవారు రోగికి దూరంగా ఉండాలి.
* అస్వస్థత లక్షణాలు తీవ్రమైతే వెంటనే వైద్యసహాయం తీసుకోవాలి.
* రోగి ఉన్న గదిలోని వస్తువులను కుటుంబసభ్యులు ఎవరూ తాకొద్దు.
* జంక్ ఫుడ్, కూల్ డ్రింక్స్ కు దూరంగా ఉండాలి.
* కరోనా రోగి ఇంట్లో ఉన్నప్పుడు వారి కుటుంబసభ్యులు వైద్యుల సలహా మేరకు హైడ్రాక్సీ క్లోరోక్విన్ మాత్రలు వేసుకోవాలి.
* కరోనా రోగి తుమ్మినా, దగ్గినా కర్చీఫ్/టిష్యూ పేపర్ను అడ్డుపెట్టుకోవాలి.
* టిష్యూ పేపర్ను మాస్క్తోపాటు పారేయాలి.
* రోగికి ప్రత్యేకంగా టాయ్లెట్ ఉండాలి.
* దానిని ఉపయోగించడానికి ముందు, తరువాత చేతులను సబ్బుతో కడుక్కోవాలి.
* టాయ్లెట్ను కూడా శుభ్రపరచాలి.
* రోగి తన గదిని తానే శుభ్రం చేసుకోవాలి.
* గదిని క్రిమిసంహారం లేదా బ్లీచింగ్ పౌడర్తో (లీటరుకు 3 స్పూన్ల చొప్పున) శుభ్రపరచాలి.
* వారికి కేటాయించిన వస్తువులనే వాడాలి.
* ఇతరుల వస్తువులతో కలపొద్దు.
* వారువాడిన బెడ్షీట్స్, టవల్, ఇతర వస్త్రాలను డెటాల్ వేసిన వేడినీటిలో అరగంట నానబెట్టి ఉతకాలి.
* పునర్వినియోగ మాస్క్/రుమాలును బ్లీచింగ్ పౌడర్తో తయారుచేసిన క్రిమిసంహారకాలతో 30 నిమిషాలు నానబెట్టి ఉతకాలి.
* బాధిత వ్యక్తి మందులను క్రమం తప్పకుండా వాడాలి
* ఇతర ఇబ్బందులు ఏర్పడితే టోల్ ఫ్రీ నంబర్ 1800 599 4455కు ఫోన్ చేయాలి.
* రోగి తన గదిలోని చెత్తబుట్టలో వేసిన వస్తువులను ఇంటిబయట కాల్చివేయాలి.
కరోనా రోగికి సేవలందించేవారు తప్పకుండా పాటించాల్సినవి:
* కరోనా రోగికి సేవలందించేవారు మూడు పొరల మాస్క్ను తప్పనిసరిగా ధరించాలి.
* రోగి ముక్కు, నోరు, కండ్లను తాకవద్దు.
* రోగికి సేవలందించడానికి ముందు, తర్వాత చేతులను సబ్బుతో కనీసం 40 నుంచి 60 సెకన్ల పాటు కడుక్కోవాలి.
* రోగి శరీరం నుంచి వచ్చే చెమట, నోటి నుంచి, ముక్కు నుంచి, కళ్లు నుంచి కారే స్రావాలను తాకొద్దు.
* రోగి వాడిన ఏ వస్తువునైనా 30 నిమిషాలు వేడినీటిలో ఉంచి ఆ తరువాత శుభ్రం చేసుకొని తిరిగి వాడుకోవచ్చు.
* మనం నివసిస్తున్న ప్రాంతంలో ఎవరికైనా కరోనా సోకితే ఇతరులు భయపడాల్సిన అవసరం లేదు.
* పరిసరాలను పరిశుభ్రంగా ఉంచుకోవాలి.
* తరచుగా నడిచే మెట్లు, గోడలు, లిఫ్ట్ బటన్స్ను పలుమార్లు శుభ్రం చేయాలి.
* మీ చుట్టుపక్కల ఎవరికైనా స్టాంప్ వేసి, వారు ఇంట్లో ఉండకుండా బయట తిరుగుతున్నట్టయితే వెంటనే 1800-599-4455కు ఫోన్ చేసి చెప్పాలి.