Cardamom Milk : మనలో చాలా మంది ఒత్తిడి,సరైన జీవనశైలి లేని కారణంగా నిద్రలేమి సమస్యతో బాధపడుతున్నారు. అలాంటి వారు రాత్రి సమయంలో యాలకుల పాలను తాగితే నిద్రలేమి సమస్య నుండి బయటపడవచ్చు. పాలు,యాలకుల్లో కాల్షియం సమృద్దిగా ఉండుట వలన శరీరంలో కాల్షియం స్థాయిలను పెంచి కీళ్ల నొప్పులు,మోకాళ్ళ నొప్పుల నుండి ఉపశమనం కలిగిస్తుంది. ఎముకలు బలంగా మారతాయి. యాలకుల్లో అనేక పోషకాలతోపాటు ఆరోగ్య ప్రయోజనాలు ఉన్నాయి. ప్రతి రోజు యాలకుల పాలను ఉదయం, రాత్రి పడుకొనే ముందు తీసుకుంటే ఎన్నో ప్రయోజనాలు అందుతాయి.
యాలకుల్లో మెగ్నీషియం, మాంగనీస్, ఫాస్పరస్ సమృద్దిగా ఉండుట వలన రక్త శుద్ధి జరుగుతుంది. గుండె ధమనులలో అడ్డంకులు ఏర్పడవు. రక్తపోటు నియంత్రణలో ఉండి గుండె సమస్యలు దరిచేరకుండా చూసుకోవచ్చు. గుండె ఆరోగ్యంగా ఉంటుంది. యాలకుల్లో విటమిన్ సి సమృద్దిగా ఉండుట వలన శరీరంలో రోగనిరోధక శక్తిని పెంచి సీజనల్ గా వచ్చే దగ్గు,జలుబు,గొంతు నొప్పి, గొంతు ఇన్ ఫెక్షన్స్ నుంచి రక్షిస్తుంది. యాలకుల్లో ఉండే ఫైబర్ జీర్ణవ్యవస్థను బలోపేతం చేయడానికి సహాయపడి తీసుకున్న ఆహారం బాగా జీర్ణం అయ్యేలా చేసి గ్యాస్,కడుపు ఉబ్బరం,మలబద్దకం వంటి సమస్యలు తొలగిపోయాలా చేస్తుంది. జీర్ణవ్యవస్థ పనితీరు సరిగ్గా లేకపోతే ఎన్నో రకాల సమస్యలు వస్తాయి. జీర్ణక్రియను వేగవంతం చేయడంలో సహాయపడుతుంది.
ఒక గ్లాస్ పాలల్లో ఒక యాలకను దంచి వేసి 5 నిమిషాల పాటు బాగా మరిగించాలి. ఆ తర్వాత ఒక స్పూన్ తేనె వేసి గోరువెచ్చగా ఉన్నప్పుడే తాగాలి. ఈ పాలను రోజు విడిచి రోజు తాగితే ఆరోగ్యపరంగా మంచి ప్రయోజనాలను పొందవచ్చు.
గమనిక: ఈ సమాచారం అందుబాటులో ఉన్న వివిధ మార్గాల ద్వారా సేకరించటమైనది. కేవలం అవగాహన కోసం మాత్రమే. పలు ఆరోగ్య సమస్యలతో బాధపడుతున్న వారు వైద్యులను సంప్రదించి తగిన చికిత్స పొందటం మంచిది.
