Puducherry : ఏసీ హెల్మెట్లు వచ్చేసాయ్.. ఇక తలపై చల్ల చల్లగా ..

Puducherry

Puducherry – AC helmet : హెల్మెట్ ధరించాలనే నిబంధన ఎప్పటి నుంచో అమలులో ఉంది. ధరించని వారికి చలాన్లు పడుతూనే ఉన్నాయి. ప్రమాద సమయంలో రక్షణ కవచంలా పనిచేసే హెల్మెట్ ఇప్పుడు కేంద్ర పాలిత ప్రాంతం పుదుచ్చేరిలోనూ కంపల్సరీ అయ్యింది. రీసెంట్‌గా అక్కడ ఈ నిబంధన అమలులోకి వచ్చింది. ఎండ వేడి తట్టుకోలేక హెల్మెట్ ధరించని వారికోసం ఏసీ హెల్మెట్లు వస్తున్నాయి. తెలంగాణకు చెందిన ఓ కంపెనీ  ఏసీ హెల్మెట్‌ను తయారు చేశారు. మొదటిసారిగా అక్కడ పరిచయం చేసారు.

Dog wearing helmet : హెల్మెట్ పెట్టుకోని వాళ్లు ఈ వీడియో చూసైనా మారండి

పుదుచ్చేరిలో తాజాగా హెల్మెట్ కంపల్సరీ అయ్యింది. హెల్మెట్ ధరించకపోతే పోలీసులు జరిమానాలు విధిస్తున్నారు. దాంతో అక్కడ హెల్మెట్ ధరించే వారి సంఖ్య పెరిగింది. తలపై బరువు, చమటలతో చాలామంది హెల్మెట్ ధరించడానికి వెనుకాడుతున్నారు. ఈ సమస్య నుంచి బయటపడటానికి తెలంగాణకు చెందిన ఓ ప్రైవేటు సంస్థ ప్రత్యేక సాంకేతిక పరిజ్ఞానంతో ఏసీ హెల్మెట్ల తయారీ మొదలుపెట్టింది. ఈ హెల్మెట్లను ఆ రాష్ట్ర హోం మంత్రి నమశ్శివాయం పరిశీలించారు. ఈ ఏసీ హెల్మెట్ విక్రయాలు త్వరలోనే ప్రారంభమవుతాయని ఆ సంస్థ నిర్వాహకులు చెబుతున్నారు.

helmetless cops : హెల్మెట్ లేకుండా స్కూటర్ నడిపిన మహిళా పోలీసులు ఫోటో వైరల్

మొత్తానికి ఈ రకంగా అయినా హెల్మెట్ల వాడకం పెరగడం.. జనంలో అవగాహన రావడం జరుగుతుందని అనిపిస్తోంది. ఈ ఏసీ హెల్మెట్లు త్వరలోనే అన్నిచోట్ల అందుబాటులోకి వస్తాయని అంటున్నారు.