పిల్లలు పుట్టకుండా ఆపరేషన్ చేయించుకోవడం సాధారణమే. అయితే నెదర్లాండ్స్ లోని ఓ జూలో ఐదు కూనలకు తండ్రైన ఓ సింహానికి వేసక్టమీ (పిల్లలు పుట్టకుండా) ఆపరేషన్ చేశారు. వెటర్నరీ డాక్టర్ హెంక్ లూటెన్ ఆధ్వర్యంలో సింహానికి ఈ ఆపరేషన్ చేశారు. థార్ అనే 11 ఏళ్ల మగసింహం జూలోని రెండు ఆడ సింహాలతో జతకలిసింది. వీటిలో మొదటి దానికి రెండు, రెండో దానికి మూడు కూనలు పుట్టాయి.
ఈ సందర్బంగా హెంక్ లూటెన్ మాట్లాడుతూ ఇప్పటికే థార్ డీఎన్ఏ తమ జూలో చాలా ఉందని తెలిపారు. దాని జన్యు సమూహం ఎక్కువగా ఉండాలని మేం అనుకోవడం లేదని, దాని సంతతి వృద్ధి చెందే అవకాశం ఉంటడంతో తాము ఈ నిర్ణయం తీసుకున్నట్లు వెల్లడించారు.
తన 35 ఏళ్లలో ఒక సింహానికి ఇలాంటి ఆపరేషన్ చేయడం ఇదే మొదటిసారి అని వెటర్నరీ డాక్టర్ వెల్లడించారు. సింహానికి వేసక్టమీ చెయ్యడం చాలా అరుదని, పిల్లల నియంత్రణ కోసం ఎక్కువగా సింహానికి కాస్ట్రేషన్ చేస్తారని.. దీని వలన సింహాలు అనారోగ్యానికి గురవుతాయని తెలిపారు.
కాస్ట్రేషన్ (వీర్యహరణం) చేయడం వలన సింహం జూలు త్వరగా ఊడిపోయి బలహీనపడి అనారోగ్యానికి గురవుతుందని. దీనిని దృష్టిలో ఉంచుకొని వేసక్టమీ చేసినట్లుగా తెలిపారు నిర్వహకులు. కాస్ట్రేషన్ చేయడం వలన టెస్టోస్టెరాన్ లోపం తలెత్తుతుందని, దీని వలన సింహం పటుత్వాన్ని కోల్పోయి త్వరగా ముసలిది అయిపోతుందని చెప్పారు.
