Lower Cholesterol : ఉత్తమ ప్రోటీన్ వనరులను మీ ఆహారంలో చేర్చుకోవటం ద్వారా కొలెస్ట్రాల్‌ను ఎలా తగ్గించాలంటే?

Lower Cholesterol : మీరు తినే ఆహారాలు, మీరు దూరంగా పెట్టే ఆహారాలు మీ గుండె ఆరోగ్యంపై గణనీయమైన ప్రభావాన్ని చూపుతాయి. ముఖ్యంగా శరీరంలో ‘చెడు’ కొలెస్ట్రాల్‌ను తగ్గించే విషయానికి వస్తే, మీ ఆహారంలో కొన్ని మార్పులు చేయాలని నిపుణులు సిఫార్సు చేస్తున్నారు. ఇందులో సంతృప్త మరియు ట్రాన్స్ ఫ్యాట్స్ తీసుకోవడం తగ్గించడం, ఒమేగా-3 ఫ్యాటీ యాసిడ్స్ మరియు కరిగే ఫైబర్ అధికంగా ఉండే ఆహారాలు తినడం, పాల ఉత్పత్తులలో లభించే వెయ్ ప్రొటీన్‌ని మీ ఆహారంలో చేర్చుకోవడం వంటి ఆహారపు అలవాట్లను పాటించాలి. మీరు తీసుకునే కొన్ని ప్రొటీన్లు గుండెను ఆరోగ్యంగా ఉంచటంతోపాటు, శరీరంలోని అధిక కొలెస్ట్రాల్‌ను తగ్గించడంలో సహాయపడతాయి.

శక్తి స్థాయిలను పెంచడానికి అవసరమైన ప్రోటీన్ ముఖ్యమైన మాక్రోన్యూట్రియెంట్. కండరాలను నిర్మాణానికి ప్రోటీన్ అవసరం. ఇది మాంసం, పౌల్ట్రీ, చేపలు, గుడ్లు మరియు పాల ఆహారాలతో సహా వివిధ ఆహారాలలో లభిస్తుంది. అయితే శరీరంలోని అధిక కొలెస్ట్రాల్ ప్రమాదాన్ని తగ్గించడానికి తప్పనిసరిగా ఆరోగ్యకరమైన ఆహారాలు ఎంచుకోవాలి. అన్ని మాంసాలలో ప్రొటీన్లు ఎక్కువగా ఉన్నప్పటికీ, అన్నీ ఆరోగ్యకరమైనవి కావు. ప్రాసెస్ చేసిన మాంసాలలో ఎల్‌డిఎల్ కొలెస్ట్రాల్ స్థాయిలు ఎక్కువగా ఉంటాయి, ఇవి గుండెకు మంచిదికాదు. పోషకాలు అధికంగా మరియు అనారోగ్యకరమైన కొవ్వులు తక్కువగా ఉండే వివిధ రకాల మొక్కలు మరియు జంతు ఆధారిత ప్రోటీన్ ఆహారాలను ఎంపిక చేసుకోవాలి.

మాంసాహారానికి బదులుగా చేపలను ఎంచుకోవచ్చు. ఇది రెడ్ మీట్‌కు ఆరోగ్యకరమైన ప్రత్యామ్నాయం, సంతృప్త కొవ్వు తక్కువగా మరియు ప్రోటీన్‌ అధికంగా ఉంటుంది. అన్ని చేపలలో కొంత మొత్తంలో కొలెస్ట్రాల్ ఉన్నప్పటికీ, అవి శరీరంలోని కొలెస్ట్రాల్ స్థాయిలను నిర్వహించడానికి సహాయపడే కొవ్వులను కూడా కలిగి ఉంటాయి. సాల్మన్, మాకేరెల్ మరియు ట్యూనా వంటి వాటిలో ఒమేగా-3 ఫ్యాటీ యాసిడ్‌లు ఎక్కువగా ఉంటాయి, ఇవి ముఖ్యమైన ఆహార కొవ్వులు, వాస్తవానికి ట్రైగ్లిజరైడ్ స్థాయిలను తగ్గించడం ద్వారా ఆరోగ్యకరమైన కొలెస్ట్రాల్ స్థాయిలను నిర్వహించడానికి మీకు సహాయపడతాయి.

నట్స్‌ లేదా వివిధ రకాల గింజల్లో అసంతృప్త కొవ్వులు ఎక్కువగా, సంతృప్త కొవ్వులు తక్కువగా ఉంటాయి. వీటిని రోజూ తీసుకోవడం వల్ల శరీరంలోని ఎల్‌డీఎల్‌ కొలెస్ట్రాల్‌ను తగ్గించుకోవచ్చు. నట్స్‌లో ఉండే ప్రొటీన్ రక్తంలో ఉండే చెడు కొలెస్ట్రాల్‌ను తగ్గిస్తుంది. దానితో పాటు నట్స్‌లో పుష్కలంగా విటమిన్స్, ప్రొటీన్స్ ఉంటాయి. వీటిలో కూడా ఎక్కువగా కరిగే ఫైబర్ ఉంటుంది. ఒక కప్పు బార్లీ లేదా తృణధాన్యాల్లో 6 గ్రాముల ఫైబర్ ఉంటుంది. 193 కేలరీలు ఉంటాయి. కూరగాయలను ఎక్కువ మోతాదులో తీసుకుంటే వాటిలో ఉండే ఫైబర్ శరీరానికి ఎంతో శక్తినిస్తుంది. అలాగే శరీరంలోని చెడు కొవ్వును కరిగిస్తుంది. వంకాయ, బెండకాయలో అధికంగా ఫైబర్ ఉంటుంది.

చెడు కొవ్వులు పెరగకుండా చూసుకునేందుకు తీపి, చక్కెర పదార్థాలు తినడం వల్ల శరీరంలో మంచి కొలెస్ట్రాల్ తగ్గుతుంది. చెడు కొలెస్ట్రాల్ పెరుగుతుంది. చక్కెర పదార్థాలకి బదులుగా పండ్లను తినండి. ఉప్పు తగిన మోతాదులో తీసుకోవాలి. మధుమేహం ఉన్నవాళ్లు చెడు కొలెస్ట్రాల్​ను తగ్గించే ఔషధాలు తీసుకోవడం తప్పనిసరి. అపోహలను పక్కనపెట్టి వైద్యుల సూచనలను తప్పక పాటించాలి. ఎత్తుకు తగ్గ బరువు ఉండేలా చూసుకోవాలి. ఊబకాయం బారిన పడకుండా జాగ్రత్త పడాలి. క్రమం తప్పకుండా వ్యాయామం చేయాలి. కొవ్వు పదార్థాలు అధికంగా ఉండే నాన్​వెజ్​ ఫుడ్​ను పరిమిత స్థాయిలో తీసుకోవడం మంచిది.