Jamun Fruits : నేరేడు పండ్లు శరీరానికి చాలా రకాల ప్రయోజనాలను అందిస్తాయి. ముఖ్యంగా ఇవి పురుషుల శరీరాన్ని దృఢంగా చేసేందుకు కృషి చేస్తాయి. కొన్నిరకాల రోగాలనూ నియంత్రించే శక్తి నేరేడులో ఉంది. అంతేకాకుండా జీర్ణక్రియను మెరుగు పరిచేందుకు దోహదపడుతుంది. బరువు తగ్గాలనుకునే వారు వీటిని క్రమం తప్పకుండా తిసుకోవాలని ఆరోగ్య నిపుణులు సూచిస్తున్నారు. వీటిని తినడం వల్ల బరువు తగ్గే అవకాశాలున్నాయి. నేరేడులో బరువును తగ్గించే ఫైబర్ అధిక పరిమాణంలో ఉంటుంది. అంతేకాకుండా కొలెస్ట్రాల్ కూడా నియంత్రించటంలో సహాయకారిగా నేరేడు దోహదం చేస్తుంది.
రక్తపోటు సమస్యలతో బాధపడేవారికి నేరేడు పండ్లు దివ్యౌషధంగా పని చేస్తాయి. ఇందులో ఉండే పొటాషియం రక్తపోటు సమస్యను దూరం చేయడమే కాకుండా. రక్తపోటు సమస్యలను తగ్గిస్తుంది. చర్మ సౌందర్యాన్ని మెరుగు పరచటంలో నేరేడు పండ్లు ఉపయోగపడతాయి. ఇందులో ఉండే విటమిన్-సి చర్మాన్ని మెరుగు పరుచడమే కాకుండా, చర్మ సమస్యల నుంచి రక్షిస్తుంది. వీటిని తినడం వల్ల చర్మంపై ఉన్న మొటిమలు మొదలైన సమస్యలు దూరమవుతాయి. నేరేడులోని యాంటీ ఆక్సిడెంట్లు మెదడుకు, గుండెకు ఔషధంగా పనిచేస్తాయి.
నేరేడు పండ్లను తినటం వలన రోగ నిరోదకశక్తి పెరుగుతుంది. మూత్ర సంబంధ సమస్యల నుండి ఉపశమనాన్ని కలిగిస్తుంది. నీరసం, నిస్సత్తువ ఉన్న వారు నేరేడు పండును తింటే తక్షణ శక్తి వస్తుంది. అంతేకాదు వెన్నునొప్పి, నడుం నొప్పి, మోకాళ్ల నొప్పులు, నయం అవుతాయి. కాలేయం పనితీరు క్రమబద్ధీకరించడానికి లేదా శుభ్రపరచడానికి నేరేడు దివ్యౌషధంలా పనిచేస్తుంది. అయితే వీటిని ఎక్కువ మోతాదులో తీసుకోవటం వల్ల వీటిని అధికంగా తీసుకుంటే మలబద్ధకం సమస్యతో పాటు ఇతర సమస్యలు ఉత్పన్నం అవుతాయి.
