copper bottle
Copper Water Bottles : నీటిలో ఉండే హానికరమైన సూక్ష్మజీవులు, శిలీంధ్రాలు, బ్యాక్టీరియా ను తొలగించే సామర్థ్యం కారణంగా రాగిని శతాబ్దాలుగా నీటిని శుద్ధి చేసే సహజ సాధనంగా ఉపయోగిస్తున్నారు. ఒకప్పుడు రాగిపాత్రలో నీటిని నిల్వచేసి వాటిని తాగే వారు. ప్రస్తుతం మార్కెట్లోకి రాగిపాత్రలు పోయి రాగి వాటర్ బాటిల్స్ వచ్చేశాయి. ఆకర్షణీయమైన మోడల్స్ ఉన్న ఈ రాగి బాటిల్స్ ను కొనుగోలు చేసేందుకు చాలా మంది ఆసక్తి చూపిస్తున్నారు. అయితే రాగి వాటర్ బాటిల్స్ లో నీటిని నిల్వ చేసుకుని తాగటం వల్ల కలిగే ప్రయోజనాలు చాలా మందికి తెలియదు.
READ ALSO : Fenugreek Water : కొవ్వును కరిగించటంతోపాటు, బరువు తగ్గించే మెంతుల నీరు! ఎలా తయారు చేసుకోవాలంటే ?
రాగి నీటి బాటిల్ , రాగి పాత్రలో నీటిని నిల్వ చేయడం ద్వారా, నీటిని సహజంగా శుద్ధి జరుగుతుంది. త్రాగడానికి సురక్షితంగా మారుతుంది. దాని శుద్దీకరణ లక్షణాలతో పాటు, రాగి అనేక ఆరోగ్య ప్రయోజనాలను కూడా అందిస్తుందని చాలా మంది నమ్ముతారు. రాగి ఆరోగ్యానికి సహజమైన , సంపూర్ణమైన ఎంపికగా నిపుణులు సూచిస్తున్నారు.
రాగి సీసాల్లోని నీటిని త్రాగడం వల్ల కలిగే కొన్ని ప్రయోజనాలు ;
1. జీర్ణక్రియ పనితీరును మెరుగుపరుస్తుంది ;
రాగిలోని యాంటీ బాక్టీరియల్ , యాంటీ ఇన్ఫ్లమేటరీ లక్షణాలు కడుపులో హానికరమైన బ్యాక్టీరియా , మంటను సమర్థవంతంగా ఎదుర్కోంటుంది. ఫలితంగా, రాగి సీసా నుండి నీరు త్రాగటం వలన ఇన్ఫెక్షన్లు, అల్సర్లు మరియు అజీర్ణం సమర్ధవంతంగా తగ్గుతాయి. రాగి కడుపుని శుభ్రపరచడంలో సహాయపడుతుంది. మూత్రపిండాలు మరియు కాలేయం రెండింటి పనితీరును నియంత్రించడంలో సహాయపడుతుంది.
2. బరువు తగ్గడంలో సహకరిస్తుంది;
రాగి శరీరంలోని కొవ్వులను విచ్ఛిన్నం చేయడంలో అదనపు కొవ్వులను మరింత సమర్థవంతంగా తొలగించడంలో సహాయపడుతుంది. అదే సమయంలో జీర్ణక్రియ పనితీరును మెరుగుపడేలా చేస్తుంది. ఈ ప్రక్రియ ద్వారా శరీరానికి అవసరమైన పోషకాలను మాత్రమే నిలుపుకుని వ్యర్ధాలను తొలగించటంలో సహాయపడుతుంది. బరువు తగ్గేందకు ఉపకరిస్తుంది. బరువు తగ్గాలనుకునే ప్రయత్నాల్లో ఉన్నవారికి ఇది సహజమైన మార్గం. ఇందుకుగాను రోజు రాగి వాటర్ బాటిల్స్ లోని నీరు త్రాగాలి.
3. గాయాలను వేగంగా నయం చేస్తుంది ;
రాగి యాంటీ బాక్టీరియల్, యాంటీ ఇన్ఫ్లమేటరీ మరియు యాంటీ వైరల్ లక్షణాలతో సహా అనేక ప్రయోజనకరమైన లక్షణాలను కలిగి ఉన్నట్లు అధ్యయనాల్లో తేలింది. ఇది గాయాలను నయం చేయడంలో సహాయపడే గొప్ప సాధనంగా చెప్పవచ్చు. ఈ లక్షణాలు కొత్త కణాల ఉత్పత్తికి సహాయపడటం ద్వారా శరీరం యొక్క రోగనిరోధక శక్తిని కూడా బలోపేతం చేస్తాయి.
READ ALSO : Lose Weight : తక్కువ కేలరీల ఆహారం బరువు తగ్గడానికి దోహదపడుతుందా? కేలరీల నిర్వాహణ ఎలాగంటే?
4. ఆర్థరైటిస్ మరియు కీళ్ల వాపులకు సహాయపడుతుంది ;
రాగి శక్తివంతమైన యాంటీ ఇన్ఫ్లమేటరీ లక్షణాలను కలిగి ఉంది, ఇది ఆర్థరైటిస్ మరియు కీళ్ల వాపులను పరిష్కరించడానికి విలువైన ఖనిజంగా చెప్పవచ్చు. ఇది రుమటాయిడ్ ఆర్థరైటిస్‌తో సహా అనేక నొప్పులను తగ్గించడంలో సహాయపడుతుంది. రాగి ఎముకలను బలపరిచే లక్షణాలను కూడా కలిగి ఉంది, ఇది ఈ సమస్యలతో బాధపడుతున్న వారికి మరింత ప్రయోజనం చేకూరుస్తుంది.
ఏదిఏమైనా ఆరోగ్య పరిస్థితికి రాగిని ఏకైక చికిత్సగా బావించి ఉపయోగించరాదు. ఆరోగ్యానికి అదనపు ప్రయోజనాలు కలిగించేదిగా మాత్రమే భావించాలి. తీవ్రమైన ఆరోగ్య పరిస్ధితులు ఉన్నవారు వైద్యుల సూచనలు, సలహాలు పాటించటం మంచిది.
READ ALSO : Rose Tea : బరువు తగ్గడానికి రోజ్ టీ ఎలా ఉపయోగపడుతుంది? రోజ్ టీ తయారీ ఎలాగంటే ?
