తెలుగు సినిమా కొత్త ఒరవడి సృష్టిస్తుంది. కమర్షియల్ బాట నుండి కొత్త ప్రయోగాల వైపు దృష్టి సారిస్తుంది.. తెలుగు ప్రేక్షకులు కూడా ఆ ప్రయోగాలను ఆదరించటం మంచి పరిణామం.. ‘లాహిరి లాహిరి లాహిరి’లో మొదలుకొని ఎన్నో విజయవంతమైన తెలుగు చిత్రాల్లో నటించిన హీరో ఆదిత్య ఓం.. ఓ సరికొత్త ప్రయోగాత్మక చిత్రంలో నటిస్తున్నారు .ఈ చిత్రానికి “బందీ” అనే టైటిల్ ఖరారు చేశారు .
హీరో ఆదిత్య ఓం మాట్లాడుతూ.. ‘‘సినిమా మొత్తం ఒకే ఒక్క పాత్రతో ఉంటుంది. ఇలాంటి ప్రయోగాత్మక సినిమా తెలుగులో రావటం ఫస్ట్ టైం, ఆ అవకాశం నాకు రావడం ఎంతో ఆనందంగా ఉంది. తెలుగు, హిందీ, తమిళ భాషల్లో చిత్రీకరణ జరుపుకుంటున్న ఈ చిత్రంలో నటించడం చాలా ఆనందంగా వుంది. ఇంతకుముందు నన్ను ఎలా ఆదరించారో అలాగే ఇప్పుడు కూడా ఆదరిస్తారని ఆశిస్తున్నాను. మా ఈ ప్రయత్నాన్ని ప్రేక్షకులు విజయవంతం చేయాలని కోరుకుంటున్నాను’’ అన్నారు. ఈ సందర్భంగా “బందీ”మూవీ ఫస్ట్ లుక్ రిలీజ్ చేసారు. లుక్ డిఫరెంట్‌గా ఆకట్టుకుంటోంది. ఈ చిత్రానికి దర్శకత్వం: రాఘవ.T , ఫొటోగ్రఫీ: మధుసూధన్ కోట, స్క్రీన్ ప్లే: రాకేష్ గోవర్థన్ గిరి.
