Dance Ikon 2 : ఆహా డ్యాన్స్ ఐకాన్ సీజన్ 2 ప్రోమో వచ్చేసింది.. మెంటార్స్ ఎవరో తెలుసా?

Dance Ikon 2 : రెగ్యులర్ గా కొత్త షోలు, సినిమాలు, సిరీస్ లు తీసుకొచ్చే ఆహా ఓటీటీలో డ్యాన్స్ ఐకాన్ సీజన్ 1కు కొనసాగింపుగా డ్యాన్స్ ఐకాన్ సీజన్ 2 వైల్డ్ ఫైర్ ఈవెంట్ వచ్చేస్తుంది. ఫిబ్రవరి 14వ తేదీ నుంచి ప్రతి శుక్రవారం రాత్రి 7 గంటలకు ఆహా ఓటీటీలో ఈ షో స్ట్రీమింగ్ కానుంది. ఈ షో కు ఓంకార్ హోస్ట్ గా వ్యవహరిస్తుండగా హీరోయిన్ ఫరియా అబ్దుల్లా, శేఖర్ మాస్టర్ లు జడ్జీలుగా వ్యవహరిస్తున్నారు. ఈ షోలో మెంటార్స్ గా మానస్, యశ్ మాస్టర్, నటి దీపికా, డ్యాన్సర్ జాను లైరి, మోడల్ ప్రకృతిలు ఉండబోతున్నారు.

Also Read : Sreeleela : టాలీవుడ్ అయిపోయింది.. ఇప్పుడు తమిళ్, బాలీవుడ్ మీద ఫోకస్ చేసిన శ్రీలీల..

నేడు డ్యాన్స్ ఐకాన్ సీజన్ 2 ప్రెస్ మీట్ నిర్వహించారు. అలాగే ఆహా ఓటీటీ డ్యాన్స్ ఐకాన్ సీజన్ 2 ప్రోమో రిలీజ్ చేసారు. ఈ ప్రోమోలో హోస్ట్ తో పాటు జడ్జీలు, మెంటార్స్, పార్టిసిపెంట్స్ ని ఇంట్రడ్యూస్ చేసారు. మీరు కూడా ప్రోమో చూసేయండి..

డ్యాన్స్ ఐకాన్ సీజన్ 2 లాంచ్ ఈవెంట్లో హోస్ట్ ఓంకార్ మాట్లాడుతూ.. డ్యాన్స్ ఐకాన్ 1 పెద్ద సక్సెస్ అవ్వడంతో సీజన్ 2 తీసుకొస్తున్నాం. డ్యాన్స్ ఐకాన్ 2 వైల్డ్ ఫైర్ లో ఐదుగురు కంటెస్టెంట్స్ మిమ్మల్ని సర్ ప్రైజ్ చేస్తారు. పంచభూతాల్లాంటి వారి పర్ఫార్మెన్స్ మిమ్మల్ని మెస్మరైజ్ చేస్తుంది. ముఖ్యంగా ఇద్దరు పిల్లల పర్ఫార్మెన్స్ టాక్ ఆఫ్ ది టౌన్ అవుతుంది. ఇందులో ఫస్ట్ రౌండ్ విజేతలను మెంటార్స్ నిర్ణయిస్తే, సెకండ్ రౌండ్ లో ఎవరు విజేతలు అనేది ప్రేక్షకులు తమ ఓటింగ్ ద్వారా డిసైడ్ చేస్తారు అని తెలిపారు.

Also Read : Dil Raju : ఫేక్ కలెక్షన్స్ పై దిల్ రాజు, డిస్ట్రిబ్యూటర్స్ కామెంట్స్.. ఫ్లాప్ అయినా హిట్ పోస్టర్స్ అంటూ..

ఫరియా అబ్దుల్లా మాట్లాడుతూ.. డ్యాన్స్ ఐకాన్ సీజన్ 1 టైమ్ లో కూడా నన్ను హోస్ట్ గా అడిగారు. అప్పుడు కొన్ని ప్రాజెక్ట్స్ వల్ల సీజన్ 1 చేయలేకపోయాను. ఇప్పుడు హోస్ట్ గా చేస్తుండటం సంతోషంగా ఉంది. ప్రతి ఎపిసోడ్ అదిరిపోయే ట్విస్టులతో ఉంటుంది. నేను హీరోయిన్ గా సినిమాలు చేయడాన్ని ఎంతగా ఎంజాయ్ చేస్తానో ఇలాంటి షోస్ చేయడాన్ని కూడా ఎంజాయ్ చేస్తాను అని తెలిపింది.

శేఖర్ మాస్టర్ షూటింగ్స్ ఉండి రాకపోవడంతో వీడియో పంపించారు. ఈ వీడియోలో మాట్లాడుతూ.. మూవీస్ బిజీలో ఉండటం వల్ల నేను ఈ కార్యక్రమానికి రాలేకపోయాను. నేను జడ్జ్ గా చేస్తున్నాను. మేము కూడా సర్ ప్రైజ్ చేసేలా డ్యాన్స్ పర్ఫార్మెన్స్ లు ఉంటాయి. ఈ షోలో తీసుకున్న పంచభూతాల కాన్సెప్ట్ పేరుకు తగినట్లే ఐదుగురు కంటెస్టెంట్స్ పర్ఫార్మెన్స్ అద్భుతంగా సెట్ అయ్యింది అని చెప్పారు. అలాగే ఈ ప్రెస్ మీట్ లో మెంటార్స్ మానస్, జాను లైరి, ప్రకృతి, యశ్ మాస్టర్ లు కూడా పాల్గొన్నారు.