Raaka: అల్లు అర్జున్ ‘రాకా’లో మరో స్టార్.. అక్షయ్ కుమార్ ఎంట్రీతో భారీ హైప్

akshay kumar playing key role in allu arjun raaka movie

• రూ.800 కోట్లతో భారీ విజువల్ వండర్
• అల్లు అర్జున్ ఊరమాస్ గ్లోబల్ ఎంట్రీ
• అక్షయ్ కుమార్ రాకాతో అంచనాలు రెట్టింపు

Raaka: ఐకాన్ స్టార్ అల్లు అర్జున్, సెన్సేషనల్ డైరెక్టర్ అట్లీ కలయికలో వస్తున్న ‘రాకా’ చిత్రం ఇండియన్ సినిమా బాక్సాఫీస్ వద్ద సరికొత్త చరిత్ర సృష్టించేందుకు సిద్ధమవుతోంది. సుమారు రూ.800 కోట్ల భారీ బడ్జెట్‌తో హాలీవుడ్ ప్రమాణాలకు ఏమాత్రం తగ్గకుండా ఈ సినిమాను తెరకెక్కిస్తున్నారు. ఇటీవల విడుదలైన ఈ చిత్ర ఫస్ట్ లుక్ సోషల్ మీడియాను షేక్ చేయడమే కాకుండా, సినిమాపై అంచనాలను ఒక్కసారిగా ఆకాశానికి చేర్చింది. అల్లు అర్జున్ మునుపెన్నడూ లేని విధంగా ఒక విభిన్నమైన, పవర్‌ఫుల్ గెటప్‌లో కనిపిస్తుండటంతో అభిమానులు ఈ ప్రాజెక్ట్ కోసం వేయి కళ్లతో ఎదురుచూస్తున్నారు.

Dragon: డైరెక్టర్ దేవ కట్టా చేతికి ఎన్టీఆర్ ‘డ్రాగన్’ మూవీ.. ఆలస్యం అందుకేనా?

ఇప్పటికే ఈ మూవీలో బాలీవుడ్ స్టార్ బ్యూటీ దీపికా పాడుకొనే, నేషనల్ క్రష్ రష్మిక మందన్న, మృణాల్ ఠాకూర్ వంటి స్టార్ నటిస్తున్న విషయం తెలిసిందే. దాంతో, ‘రాకా(Raaka)’ మూవీ ఒక పాన్-వరల్డ్ సినిమాగా గుర్తింపు పొందుతోంది. అట్లీ మార్క్ మాస్ ఎలిమెంట్స్‌తో పాటు భారీ యాక్షన్ సీక్వెన్స్‌లు ఈ చిత్రానికి ప్రధాన ఆకర్షణగా నిలవనున్నాయి. సాంకేతికంగా కూడా ఈ సినిమా అత్యున్నత విలువలతో రూపుదిద్దుకుంటోంది.

ప్రస్తుతం ఈ క్రేజీ ప్రాజెక్ట్‌లోకి బాలీవుడ్ యాక్షన్ స్టార్ అక్షయ్ కుమార్ చేరడం సినీ వర్గాల్లో హాట్ టాపిక్‌గా మారింది. ఆయన ఈ సినిమాలో ఒక కీలకమైన పాత్రను పోషిస్తున్నట్లు సమాచారం. అక్షయ్ కుమార్ ఎంట్రీతో ఈ సినిమా అంచనాలు రెట్టింపు అయ్యాయి. అల్లు అర్జున్, అక్షయ్ కుమార్ మధ్య వచ్చే సన్నివేశాలు వెండితెరపై హైలైట్‌గా నిలుస్తాయని టాక్ నడుస్తోంది. మొత్తానికి ‘రాక’ చిత్రం భారతీయ సినిమా స్థాయిని ప్రపంచ వ్యాప్తంగా మరో మెట్టు ఎక్కించడానికి సర్వం సిద్ధం చేసుకుంటోంది.