Ashwath Marimuthu: రెండో ఛాన్స్ కాన్సెప్ట్ తో రెండు సినిమాలు.. డైరెక్టర్ కు యూత్ లో ఫుల్ క్రేజ్.. కొత్త సినిమా ఎవరితోనో తెలుసా?

Ashwath Marimuthu started his third film with hero Simbu

• ఒకే కాన్సెప్ట్ తో రెండు హిట్ సినిమాలు చేసిన దర్శకుడు
• శింబుతో కొత్త సినిమా మొదలు
• త్వరలోనే అధికారిక ప్రకటన రానుంది

Ashwath Marimuthu: జీవితం అనేది అందరికీ ఒకేలా ఉండదు. ఒకరికి ఒక అనుభవాన్ని పరిచయం చేస్తే.. మరొకరికి వేరే అనుభవాన్ని ఇస్తుంది. అదే, లైఫ్ ఫిలాసఫీ. కాని, కొన్ని సందర్భాలలో లైఫ్ కూడా రెండో ఛాన్స్ ఇస్తుంది. అలా ఇస్తే ఎలా ఉంటుంది అనేది సరికొత్త కాన్సెప్ట్. సేమ్ అదే కాన్సెప్ట్ తో రెండు సినిమాలు చేసి సూపర్ హిట్స్ అందుకున్నాడు ఓ దర్శకుడు. ఆ దర్శకుడు తన మూడవ సినిమా కోసం ఏకంగా స్టార్ హీరోని ఫిక్స్ చేశాడు.

Suchitra: త్రిష ప్రేమించింది విజయ్ ని కాదు.. ఆ హీరో పెళ్లి కూడా చెడగొట్టాడు.. సంచలన కామెంట్స్ చేసింది సింగర్ సుచిత్ర

ఆ దర్శకుడు మరెవరో కాదు అశ్వత్ మారిముత్తు(Ashwath Marimuthu). ఈ దర్శకుడు చేసిన ఫస్ట్ మూవీ ఓ మై కడువలె. లైఫ్ మనకి రెండో ఛాన్స్ ఇస్తే ఎలా ఉంటుంది అనే యూత్ ఫుల్ కంటెంట్ తో వచ్చిన ఈ సినిమా తమిళ ఇండస్ట్రీలో సంచలనం క్రియేట్ చేసింది. అదే సినిమాను తెలుగులో ఓరి దేవుడా పేరుతో విశ్వక్ సేన్ చేశాడు. ఈ సినిమాకు కూడా అశ్వత్ మారిముత్తు దర్శకత్వం వహించాడు. ఇక ఇటీవల ఈ దర్శకుడి నుంచి వచ్చిన సినిమా రిటర్న్ ఆఫ్ ది డ్రాగన్. ప్రదీప్ రంగరాజన్ హీరోగా వచ్చిన ఈ సినిమా కూడా లైఫ్ రెండో ఛాన్స్ ఇస్తే ఎలా ఉంటుంది అనే కాన్సెప్ట్ తోనే వచ్చింది.

కానీ, ఈ కాన్సెప్ట్ కి ఫాదర్ ఎమోషన్ ను యాడ్ చేసి ఆడియన్స్ ను మెస్పరైజ్ చేశాడు అశ్వత్. దాంతో, ఈ సినిమా కూడా సూపర్ హిట్ గా నిలిచింది. ఇలా రెండు సినిమాలను ఒకే కాన్సెప్ట్ తో చేసి సూపర్ హిట్స్ అందుకున్నాడు ఈ దర్శకుడు. ఇక రీసెంట్ గా అశ్వత్ తమిళ స్టార్ శింబుకి ఒక కథను వినిపించాడట. ఆ కథ హీరోకి చాలా నచ్చడంతో వెంటనే ఒకే చెప్పేశాడట. త్వరలోనే ఈ ప్రాజెక్టు గురించి అధికారిక ప్రకటన వచ్చే అవకాశం ఉంది. మరి స్టార్ హీరో కోసమైనా కథను మారుస్తాడా లేదా మళ్ళీ అదే కథతో వచ్చి మరి హిట్ కొడతాడా అనేది చూడాలి.