Unstoppable Anthem: నందమూరి బాలకృష్ణ తొలిసారి హోస్ట్‌గా మారి చేసిన టాక్ షో ‘అన్‌స్టాపబుల్ విత్ ఎన్‌బీకే’ ప్రముఖ ఓటీటీ ప్లాట్‌ఫాం ‘ఆహా’లో స్ట్రీమింగ్ అయ్యి ఎలాంటి సెన్సేషన్ క్రియేట్ చేసిందో అందరికీ తెలిసిందే. ఈ టాక్ షోతో బాలయ్య తనలోని యాంకర్‌ను కూడా ప్రేక్షకులు పరిచయం చేశాడు. బాలయ్య ఇలా జాలీగా, సరదాగా ఉంటూ వచ్చినవారిని ప్రశ్నలు అడగడంతో అభిమానులు పండగ చేసుకున్నారు. ఈ టాక్ షో అప్పట్లో సూపర్ సక్సెస్ కావడంతో, ఇప్పుడు ఈ టాక్ షోకు సంబంధించి రెండో సీజన్‌ను నిర్వాహకులు ప్లాన్ చేస్తున్నారు.
Unstoppable 2: దెబ్బకు థింకింగ్ మారిపోవాలి.. పండగకే బాలయ్య బాబు ల్యాండ్ అవుతున్నాడా..?
బాలయ్య కూడా రెండో సీజన్ అన్‌స్టాపబుల్ షో ఉంటుందని గతంలోనే వెల్లడించారు. దీంతో ఈ టాక్ షో రెండో సీజన్ ఎప్పుడెప్పుడు స్టార్ట్ అవుతుందా అని అందరూ ఆసక్తిగా చూస్తున్నారు. కాగా, తాజాగా ఈ టాక్ షోకు సంబంధించిన యాంథెమ్‌ను ఆహా నిర్వాహకులు రిలీజ్ చేశారు. ఈ యాంథెమ్ సాంగ్‌ను సింగర్ రోల్ రైడా తనదైన ర్యాప్ వర్షన్‌తో ఆలపించగా, బాలయ్య నటించిన బ్లాక్‌బస్టర్ చిత్రాల్లోని సెన్సేషనల్ డైలాగులతో నింపారు. ఇక మహతి స్వర సాగర్ కంపోజిషన్ ఈ యాంథెమ్ సాంగ్‌కు బాగా కలిసొచ్చింది.
UnStoppable 2 : బాలయ్య అన్ స్టాపబుల్ సీజన్ 2 రెడీ.. అధికారికంగా ప్రకటించిన ఆహా..
టెంపర్ లేచుద్ది అంటూ బాలయ్య చెప్పిన డైలాగులు అభిమానులకు మరోసారి గూస్‌బంప్స్ తీసుకొచ్చాయి. ఇక ఈ యాంథెమ్‌తో నందమూరి అభిమానుల్లో అప్పుడే ఈ టాక్ షోపై ఆసక్తిని క్రియేట్ చేశారు నిర్వాహకులు. అతి త్వరలోనే ఈ టాక్ షోను స్టార్ట్ చేసేందుకు ఆహా ప్లాన్ చేస్తోంది. కాగా, ఈసారి తొలి ఎపిసోడ్‌కు ముఖ్య అతిథిగా మెగాస్టార్ చిరంజీవి వస్తారనే టాక్ జోరుగా సాగుతోంది. మరి ఈ అన్‌స్టాపబుల్ విత్ ఎన్‌బీకే యాంథెమ్‌పై మీరూ ఓసారి లుక్కేయండి.
