Chandra Mohan Passed Away Funeral Details
Chandra Mohan : తెలుగు, తమిళ్ లో హీరోగా, క్యారెక్టర్ ఆర్టిస్ట్ గా ఎన్నో సినిమాలతో ప్రేక్షకులని మెప్పించిన నటుడు చంద్రమోహన్. వయో భారంతో గత కొంతకాలంగా పలు ఆరోగ్య సమస్యలతో బాధపడుతూ ఇటీవల గుండెకి సంబంధించి ఆరోగ్య సమస్యలతో హైదరాబాద్ అపోలో ఆస్పత్రిలో చేరగా నేడు నవంబర్ 11న ఉదయం 9.45 గంటలకు మరణించారు చంద్ర మోహన్. దీంతో ఒక్కసారిగా సినీ పరిశ్రమలో తీవ్ర విషాదం నెలకొంది. పలువురు సినీ ప్రముఖులు ఆయనకు సంతాపం తెలుపుతూ నివాళులు ప్రకటిస్తున్నారు.
చంద్రమోహన్ భౌతికకాయాన్ని ప్రస్తుతం ఫిల్మ్ నగర్ లోని ఆయన నివాసం వద్దే ఉంచారు. నేడు, రేపు ఆయన నివాసంలోనే చంద్రమోహన్ భౌతికదేహం అభిమానులు, ప్రజలు, ప్రముఖుల సందర్శనార్థం ఉంచనున్నారు. సోమవారం మధ్యాహ్నం తర్వాత చంద్రమోహన్ అంత్యక్రియలు జరగనున్నాయి. చిన్న కూతురు మధుర మీనాక్షి అమెరికాలో ఉండటంతో ఆమె వచ్చాకే అంత్యక్రియలు జరగనున్నాయి. అంత్యక్రియలు హైదరాబాద్ మహాప్రస్థానంలో జరగనున్నట్టు సమాచారం.
Also Read : Chandra Mohan Old Photos : చంద్రమోహన్ పాత ఫొటోలు చూశారా?
చంద్రమోహన్ మేనల్లుడు కృష్ణ ప్రసాద్ మీడియాతో మాట్లాడుతూ.. గత నాలుగేళ్ల నుంచి ఆయన హృద్రోగ సమస్యతో బాధపడుతున్నారు. చికిత్స తీసుకుండగా కిడ్నీలపై కూడా ప్రభావం పడింది. వాటికి గత కొన్నాళ్లుగా అచికిత్స అందిస్తున్నాము. ఇవాళ ఉదయం 8 గంటలకు అపోలో ఆస్పత్రికి తరలించాం. ఉదయం 9:45 గంటలకు ఆయన చనిపోయారని వైద్యులు ప్రకటించినట్టు తెలిపారు.
