Deepika Padukone Raaka: ‘రాకా’ కోసం దీపికా భారీ రెమ్యునరేషన్.. ఇండియాలోనే ఫస్ట్ అండ్ టాప్ హీరోయిన్ గా రికార్డ్
అల్లు అర్జున్ రాకా(Raaka) సినిమా కోసం భారీ రెమ్యునరేషన్ అందుకుంటున్న దీపికా పదుకొనె.
- V Santhosh Kumar
- Published On : April 11, 2026 / 02:11 PM IST
Deepika padukone getting huge remuneration for allu arjun raaka movie
- రాకా కోసం భారీ రెమ్యునేషన్ తీసుకుంటున్న దీపికా
- పాత్ర రీత్యా ఏకంగా రూ.25 కోట్ల ఆఫర్
- ఈ రేంజ్ రెమ్యునరేషన్ అందుకున్న ఫస్ట్ హీరోయిన్ దీపికా
Deepika Padukone Raaka: ఐకాన్ స్టార్ అల్లు అర్జున్, స్టార్ డైరెక్టర్ అట్లీ కాంబినేషన్లో వస్తున్న భారీ బడ్జెట్ చిత్రం ‘రాకా(Raaka)’. ఈ సినిమా టైటిల్ను బన్నీ పుట్టినరోజు సందర్భంగా ఏప్రిల్ 8, 2026న అధికారికంగా ప్రకటించారు. ఇది ఒక సైన్స్ ఫిక్షన్ యాక్షన్ థ్రిల్లర్ అని, పునర్జన్మ నేపథ్యంలో సాగుతుందని సమాచారం. విడుదలైన ఫస్ట్ లుక్ పోస్టర్లో అల్లు అర్జున్ గడ్డంతో, తీవ్రమైన చూపులతో, ముఖంపై ఒక జంతువు తరహా పంజాతో కనిపిస్తుండటం సినిమాపై అంచనాలను భారీగా పెంచేసింది. దాదాపు రూ. 700 కోట్ల భారీ బడ్జెట్తో సన్ పిక్చర్స్ నిర్మిస్తున్న ఈ చిత్రంలో బన్నీ మూడు భిన్నమైన పాత్రల్లో కనిపించనున్నారని తెలుస్తోంది.
*కృష్ణ బర్త్ డేకి ‘శ్రీరాముడి’ లుక్.. ‘వారణాసి’ నుంచి క్రేజీ అప్డేట్ ప్లాన్ చేస్తున్న జక్కన్న
ఈ సినిమాలో బాలీవుడ్ అగ్ర కథానాయిక దీపికా పదుకొనె ప్రధాన పాత్రలో నటిస్తోంది. అట్లీ దర్శకత్వంలో ‘జవాన్’ తర్వాత ఆమె చేస్తున్న మరో క్రేజీ ప్రాజెక్ట్ ఇది. ఇందులో ఆమె పాత్ర ఎంతో కీలకంగా ఉండబోతోందని, అందుకే ఆమె నటనకు ప్రాధాన్యమున్న పాత్రను ఎంచుకున్నారని సమాచారం. దక్షిణాది సినిమాల్లో దీపికాకు ఉన్న ఫాలోయింగ్ను దృష్టిలో ఉంచుకుని ఈ పాన్ ఇండియా చిత్రంలో ఆమెను భాగం చేశారు. గతంలో ‘కల్కి 2898 AD’ వంటి చిత్రాలతో టాలీవుడ్కు చేరువైన దీపికా, ఇప్పుడు ‘రాకా’తో అల్లు అర్జున్ సరసన మొదటిసారి స్క్రీన్ షేర్ చేసుకోబోతోంది.
ప్రస్తుతం ఫిల్మ్ నగర్లో వినిపిస్తున్న సమాచారం ప్రకారం, ఈ సినిమా కోసం దీపికా పదుకొనె ఏకంగా రూ. 25 కోట్ల భారీ రెమ్యునరేషన్ అందుకుంటున్నట్లు తెలుస్తోంది. భారతీయ చలనచిత్ర చరిత్రలో ఒక కథానాయికకు ఈ స్థాయిలో పారితోషికం ఇవ్వడం ఇదే మొదటిసారని అంటున్నారు. హీరో అల్లు అర్జున్ సుమారు రూ. 175 కోట్లు తీసుకుంటుండగా, హీరోయిన్ హోదాలో దీపికా కూడా తన రికార్డులను తానే తిరగరాస్తూ ఈ స్థాయిలో డిమాండ్ చేయడం ఇప్పుడు హాట్ టాపిక్ గా మారింది. కేవలం రెమ్యునరేషన్ మాత్రమే కాకుండా, సినిమా కథలో తన పాత్రకు ఉన్న వెయిటేజీ కూడా ఇంత భారీ మొత్తానికి కారణమని సినీ వర్గాలు చర్చించుకుంటున్నాయి.