Dhop Lyrical from Game Changer out now
గ్లోబ‌ల్ స్టార్ రామ్చరణ్ న‌టిస్తున్న మూవీ ‘గేమ్ ఛేంజర్’. శంక‌ర్ దర్శకత్వంలో తెర‌కెక్కుతున్న ఈ చిత్రం పై అభిమానుల్లో భారీ అంచ‌నాలే ఉన్నాయి. కియారా అద్వాణి క‌థానాయిక‌గా న‌టిస్తున్న ఈ చిత్రాన్ని శ్రీవెంకటేశ్వర క్రియేషన్స్, జీ స్టూడియోస్, దిల్ రాజు ప్రొడక్షన్ బ్యానర్స్‌పై దిల్ రాజు, శిరీష్ భారీ బడ్జెట్ తో నిర్మిస్తున్నారు. తెలుగు, త‌మిళ, హిందీ భాష‌ల్లో ఈ చిత్రం సంక్రాంతి కానుక‌గా జ‌న‌వ‌రి 10న ప్ర‌పంచ వ్యాప్తంగా ప్రేక్ష‌కుల ముందుకు రానుంది.
ఈ నేప‌థ్యంలోనే చిత్ర బృందం ప్ర‌మోష‌న‌ల్ కార్య‌క్ర‌మాల్లో వేగం పెంచింది. వ‌రుస‌గా పాట‌ల‌ను విడుద‌ల చేస్తోంది. ఇప్ప‌టికే విడుద‌ల చేసిన ‘రా మచ్చా మచ్చా’, ‘నా నా హైరానా’ సాంగ్స్‌కు అద్భుత‌మైన స్పంద‌న వ‌చ్చింది. తాజాగా ఈ చిత్రం నుంచి నాలుగో పాట దోప్‌ను విడుద‌ల చేశారు. రామ్ చ‌ర‌ణ్, కిరాయా డ్యాన్సింగ్ మూమెంట్స్ అదిరిపోయాయి.
ఈ పాటను రామజోగయ్య శాస్త్రి రాయగా తమన్ సంగీత దర్శకత్వంలో తమన్, రోషిని, పృథ్వీ శృతి రంజని పాడారు. ఈ పాటను జానీ మాస్ట‌ర్ కంపోజ్ చేశారు. ప్ర‌స్తుతం ఈ పాట యూట్యూబ్‌లో దూసుకుపోతుంది.
