Game Changer : రామ్ చరణ్ ఫ్యాన్స్‌కి గుడ్ న్యూస్ చెప్పిన దిల్ రాజు.. అలాగే రిలీజ్ డేట్ గురించి..

Dil raju gave good news to Ram Charan Fans about Game Changer

Game Changer : దిల్ రాజు నిర్మాణంలో రామ్ చరణ్ హీరోగా తమిళ్ డైరెక్టర్ శంకర్ డైరెక్ట్ చేస్తున్న చిత్రం ‘గేమ్ ఛేంజర్’. ఆర్ఆర్ఆర్ తరువాత చరణ్ చేస్తున్న సినిమా కావడం, దర్శకుడు శంకర్ కావడంతో ఈ మూవీ పై భారీ అంచనాలు నెలకొన్నాయి. అయితే ఈ చిత్రం గత మూడేళ్ళుగా షూటింగ్ జరుపుకుంటూనే వస్తుంది. అసలు ఈ సినిమా ఎప్పుడు రిలీజవుతుందని ఫ్యాన్స్ అంతా ఎదురు చూస్తున్నారు.

ఇది ఇలా ఉంటే, ఈ మూవీని పాన్ ఇండియా వైడ్ రిలీజ్ చేస్తారని ఫ్యాన్స్ అంతా భావించారు. కానీ ఇటీవల ‘జరగండి’ పాటని కేవలం తెలుగు, తమిళ్, హిందీ భాషల్లోనే రిలీజ్ చేయడంతో.. ఈ సినిమా పాన్ ఇండియా మూవీగా రావడం లేదా అనే సందేహం మొదలయింది. ఇక ఈ విషయానే దిల్ రాజు ప్రశ్నించగా, ఆయన బదులిస్తూ.. గేమ్ ఛేంజర్ పాన్ ఇండియా వైడ్ రిలీజ్ కాబోతుందని, సౌత్ నాలుగు లాంగ్వేజ్స్ అండ్ హిందీలో ఈ మూవీ రిలీజ్ చేస్తామంటూ చెప్పుకొచ్చారు.

Also read : Nani : దసరా కాంబినేషన్ ఈజ్ బ్యాక్.. పోస్టర్‌తో ఫ్యాన్స్‌ని సర్‌ప్రైజ్ చేసిన నాని..

ఇక ఈ కామెంట్స్ తో రామ్ చరణ్ ఫ్యాన్స్ సంతోష పడుతున్నారు. ఎందుకంటే, ఈ చిత్రం పాన్ ఇండియా వైడ్ రిలీజ్ అయితే భారీ కలెక్షన్స్ ని నమోదు చేయడానికి అవకాశం ఉంటుంది. అందుకనే ఇప్పుడు దిల్ రాజు చేసిన కామెంట్స్ చరణ్ ఫ్యాన్స్ ఖుషి చేస్తున్నాయి. అలాగే ఈ మూవీ రిలీజ్ డేట్ ఎప్పుడు అని ప్రశ్నించగా.. డేట్ ఫిక్స్ అయ్యిందని, దర్శకుడు శంకర్ అఫీషియల్ గా అనౌన్స్ చేస్తారని పేర్కొన్నారు.

కాగా ఈ సినిమాని దివాళీ కానుకగా ఆడియన్స్ ముందుకు తీసుకు రావాలని మేకర్స్ ఫిక్స్ అయ్యారట. అక్టోబర్ 31న ఈ చిత్రాన్ని రిలీజ్ చేయడానికి మేకర్స్ టైం ఫిక్స్ చేసుకున్నారట. త్వరలోనే ఈ తేదీని అధికారికంగా ప్రకటించనున్నారని సమాచారం.