Tharun Bhascker: అదొక అద్భుతం.. నానితో తరుణ్ భాస్కర్ మూవీ.. క్లారిటీ వచ్చేసింది

director tharun bhascker planning a movie with nani

• నాకు నాని అంటే చాలా అభిమానం
• త్వరలోనే ఆయనతో సినిమా చేస్తా
• దర్శకుడు తరుణ్ భాస్కర్ కామెంట్స్ వైరల్

Tharun Bhascker: టాలీవుడ్ నేచురల్ స్టార్ నాని ఇండస్ట్రీలో తనకంటూ ప్రత్యేకమైన గుర్తింపును సంపాదించుకున్నారు. సినిమా నేపథ్యం లేకపోయినా, వైవిధ్యమైన కథలను ఎంచుకుంటూ హీరో నుంచి స్టార్ హీరో హోదాకు చేరుకున్నారు. సాధారణంగా పెద్ద దర్శకుల కంటే, కొత్త దర్శకులతో పనిచేయడానికే ఆయన ఎక్కువ ఆసక్తి చూపిస్తుంటారు. ఈ క్రమంలోనే తాజాగా టాలెంటెడ్ డైరెక్టర్ తరుణ్ భాస్కర్, నానితో సినిమా చేసే విషయంపై స్పందిస్తూ చేసిన వ్యాఖ్యలు ఇప్పుడు సోషల్ మీడియాలో హాట్ టాపిక్‌గా మారాయి.

Varanasi: మెక్సికోలో ‘వారణాసి’ స్పెషల్ గ్లింప్స్‌.. విజువల్స్ కి హాలీవుడ్ ఆడియన్స్ ఫిదా.. ఇది జక్కన్న రేంజ్ ప్రమోషన్స్

తరుణ్ భాస్కర్ (Tharun Bhascker)ప్రస్తుతం హీరోగా నటించిన “గాయపడ్డ సింహం” చిత్రం మే 1వ తేదీన విడుదలకు సిద్ధంగా ఉంది. ఈ సినిమా ప్రమోషన్స్ లో భాగంగా ఆయన మాట్లాడుతూ, నాని నటనపై తనకున్న గౌరవాన్ని చాటుకున్నారు. నాని ఒక అద్భుతమైన నటుడని, ఆయనతో కలిసి పనిచేయాలనే బలమైన కోరిక తనకు ఉందని వెల్లడించారు. మా కలయికలో సినిమా వస్తే అది సరికొత్త అనుభూతిని ఇస్తుందని, త్వరలోనే నాని బాడీ లాంగ్వేజ్‌కు సరిపోయే ఒక పవర్‌ఫుల్ కథను సిద్ధం చేయనున్నట్లు తరుణ్ భాస్కర్ పేర్కొన్నారు.

నాని తన కెరీర్‌లో ప్రయోగాత్మక చిత్రాలకు పెద్దపీట వేస్తుండటంతో, తరుణ్ భాస్కర్ లాంటి క్రియేటివ్ డైరెక్టర్‌తో ఆయన జతకట్టడం ఖాయమని ట్రేడ్ వర్గాలు భావిస్తున్నాయి. ఒకవేళ ఈ ప్రాజెక్ట్ గ్రీన్ సిగ్నల్ పొందితే, నాని మార్కు నటనకు తరుణ్ భాస్కర్ మార్కు మేకింగ్ తోడై బాక్సాఫీస్ వద్ద సెన్సేషన్ సృష్టించడం ఖాయమని అభిమానులు ఆశాభావం వ్యక్తం చేస్తున్నారు. ప్రస్తుతం ఈ కాంబినేషన్ కు సంబంధించిన వార్తలు నెట్టింట వైరల్ అవుతున్నాయి.