Divyendu Sharma: చరణ్‌కు నాకు మధ్య టాక్సిక్ లవ్ స్టోరీ.. అదే అసలైన ట్విస్ట్.. ‘పెద్ది’పై దివ్యేందు షాకింగ్ కామెంట్స్

Divyendu sharma interesting comments on ram charan

• చరణ్‌తో ‘టాక్సిక్’ లవ్ స్టోరీ.
• ‘పెద్ది’ విలన్ క్రేజీ కామెంట్స్.
• సినిమాపై పెరిగిన భారీ అంచనాలు.

Divyendu Sharma: గ్లోబల్ స్టార్ రామ్ చరణ్, టాలెంటెడ్ డైరెక్టర్ బుచ్చిబాబు సన కాంబినేషన్‌లో వస్తున్న మోస్ట్ అవేటెడ్ మూవీ ‘పెద్ది’ విడుదలకు సిద్ధమవుతోంది. భారీ అంచనాలున్న ఈ ప్రతిష్టాత్మక చిత్రం జూన్ 4న ప్రపంచవ్యాప్తంగా థియేటర్లలో గ్రాండ్‌గా రిలీజ్ కానుంది. ఈ సినిమాలో రామ్ చరణ్ సరసన బాలీవుడ్ బ్యూటీ జాన్వీ కపూర్ హీరోయిన్‌గా నటిస్తుండగా, ఆస్కార్ విజేత ఏఆర్ రెహమాన్ మ్యూజిక్ అందిస్తున్నారు. ఇటీవలే విడుదలైన ఈ సినిమా ట్రైలర్ ప్రేక్షకులను విపరీతంగా ఆకట్టుకుని సినిమాపై అంచనాలను స్కై హైకి తీసుకెళ్లింది.

Massa Massa Song: మోస్ట్ అవైటెడ్.. పెద్ది ‘మస్సా.. మస్సా’ సాంగ్ వచ్చేసింది.. ఇక్కడ వినేయండి

ఇప్పుడు ‘మిర్జాపూర్’ ఫేమ్ దివ్యేందు శర్మ(Divyendu Sharma) చేసిన వ్యాఖ్యలు ‘పెద్ది’ సినిమాపై అంచనాలను మరింత పెంచేస్తున్నాయి. రామ్ చరణ్ హీరోగా వస్తున్న ఈ చిత్రం కేవలం స్పోర్ట్స్ డ్రామా మాత్రమే కాదని, అంతకుమించిన బలమైన ఎమోషనల్ లేయర్లు ఇందులో ఉన్నాయని ఆయన ఢిల్లీ ప్రెస్ మీట్‌లో వెల్లడించడంతో ఫ్యాన్స్‌లో కొత్త చర్చ మొదలైంది. దివ్యేందు మాట్లాడుతూ.. సినిమాలో రామ్ చరణ్, జాన్వీ కపూర్ మధ్య సాగే లవ్ ట్రాక్ అద్భుతంగా ఉంటుందని చెబుతూనే, ఒక సెన్సేషనల్ ట్విస్ట్ ఇచ్చారు. “రామ్ చరణ్‌కు, నాకు మధ్య కూడా ఒక లవ్ స్టోరీ ఉంది.. కానీ అది చాలా టాక్సిక్” అంటూ ఆయన నవ్వుతూ చేసిన వ్యాఖ్యలు నెట్టింట వైరల్ అవుతున్నాయి. చరణ్ పాత్రను ఢీకొట్టే పవర్‌ఫుల్ రైవల్ లేదా విలన్ తరహా పాత్రలో తను కనిపిస్తున్నట్లు, వారిద్దరి మధ్య ఉండే ఇంటెన్స్ ఎనిమిటీని (శత్రుత్వాన్ని) ఉద్దేశించే ఆయన అలా అన్నట్లు తెలుస్తోంది.

మున్నా భయ్యా పాత్రతో దేశవ్యాప్తంగా గుర్తింపు తెచ్చుకున్న దివ్యేందు.. ఇప్పుడు ‘పెద్ది’లోనూ అదే స్థాయి పవర్‌ఫుల్ ఎనర్జీని చూపించబోతున్నారు. ముఖ్యంగా ఆయన వాడిన “టాక్సిక్ లవ్ స్టోరీ” అనే పదం సోషల్ మీడియాలో ట్రెండింగ్‌గా మారింది. స్పోర్ట్స్, లవ్, రైవల్రీ కలగలిసిన ఈ చిత్రం ఒక బలమైన ఎమోషనల్ డ్రామాలా ఉండబోతుందని స్పష్టమవుతోంది. కథపై అధికారిక వివరాలు రాకపోయినా, దివ్యేందు శర్మ కామెంట్స్ మాత్రం సినిమాపై క్యూరియాసిటీని ఒక్కసారిగా ఆకాశానికెత్తేశాయి.