Rich Pelli
Richie Gadi Pelli: కేఎస్ ఫిలింవర్క్స్ సంస్థలో షూటింగ్ పూర్తి చేసుకొని విడుదలకు రెడీ అవుతోన్న సినిమా “రిచి గాడి పెళ్లి”. ఈ సినిమాలో అనంత్ శ్రీరామ్ సాహిత్యం అందించిన “ఏమిటిది మతి లేదా.. ప్రాణమా” పాట లేటెస్ట్‌గా విడుదలైంది. బాహుబలి, భరత్ అనే నేను, మున్నా, మిర్చి, పరుగు, అరుంధతి, గోపాల గోపాల, రాజన్న వంటి అనేక సూపర్ డూపర్ హిట్ చిత్రాలకు గాత్రం అందించిన కైలాష్ కేర్ ఈ పాటను పాడగా.. ఈ పాటకు సంగీత ప్రియుల నుంచి అప్రిషియేషన్ అందుతుంది.
ఈ క్రమంలోనే ప్రముఖ సంగీత దర్శకుడు తమన్ పాట గురించి మాట్లాడారు. “రిచిగాడి పెళ్లిలోని ‘ఏమిటిది మతి లేదా.. ప్రాణమా..’ సాంగ్ చూశాను. కైలాష్ చాలా బాగా పాడారు. తన వాయిస్ ఈ పాటకి బాగా సెట్ అయ్యింది. వైశాలి సినిమా నుంచి నాకు హేమ రాజ్ తెలుసు. ఈ సినిమాకు ఆయన పని చేయడం చాలా ఆనందంగా ఉంది, అందరూ మంచి ప్రయత్నంతో ఈ సినిమా చేస్తున్నారు. అనంత శ్రీరామ్ గారి లిరిక్స్‌ని కైలాష్ కేర్ బ్యూటిఫుల్‌గా పాడారు, సత్యన్‌ చాలా బాగా కంపోజ్ చేశారు. ఈ సినిమా సూపర్ హిట్ అవ్వాలని మనస్ఫూర్తిగా కోరుకుంటున్నాను” అని అన్నారు
లిరిక్ రైటర్ అనంత శ్రీరామ్ మాట్లాడుతూ.. “సినిమాలో మతి లేదా.. ప్రాణమా అనే వేదాంతాన్ని బోధించే పాట. ఇది ఎంత పెద్ద వేదాంతాన్ని బోధించినా కూడా అలతి అలతి పదాలతో అందరికీ అర్థమయ్యే రీతిలో మధురమైన బాణీలో ఉంటుంది. హేమ రాజ్ గారి దర్శకత్వంలో వస్తున్న ఈ సినిమా ఒక సృజనాత్మకకి బడ్జెట్ అనేది పరిధి కాదు, ఎంత తక్కువ బడ్జెట్లో అయినా ఏంతో అద్భుతమైన కథనాన్ని చెప్పవచ్చు అని నిరూపించిన చిత్రం. మనం చిన్నప్పుడు బల్లల మీద ఆడుకున్న చిన్న చిన్న ఆటలను (ఇప్పట్లో ఇండోర్ గేమ్స్) ఆధారం చేసుకుని తీసిన సినిమా ఇది. ఆ చిన్న ఆట వల్ల ఎన్ని జీవితాల్లో, ఎన్ని ప్రేమల్లో, ఎన్ని స్నేహాల్లో ఎన్ని మార్పులు వస్తాయి, ఎన్ని మలుపులు తిరిగాయి అనేదే ఈ చిత్ర కథాంశం మీ అందరినీ కచ్చితంగా నచ్చుతుంది. అలాగే నేను రాసిన పాట కూడా మిమ్మల్నందరినీ కచ్చితంగా అలరిస్తుంది” అని అన్నారు.
దర్శకుడు హేమరాజ్ మాట్లాడుతూ.. “రిచి గాడి పెళ్లి” అనేది మానవ సంబంధాలకు అద్దంపట్టే కథ. ప్రతి పాత్రలో వేరియేషన్ ఉండేలా డిజైన్ చేశాం. ముఖ్యంగా లిరిక్ రైటర్ అనంత శ్రీరామ్ రాసిన పాటకు మంచి రెస్పాన్స్ వస్తుంది. తమన్ పాట చాలా బాగుందని మెచ్చుకున్నారు, వారికి మా కృతజ్ఞతలు. ఇంత మంచి పాట అందించిన అనంత శ్రీరామ్‌కు, సింగర్స్‌కు ధన్యవాదాలు. విజయ్ ఉలగనాథ్ సినిమాటోగ్రఫీ వర్క్ చిత్రానికి హైలైట్‌గా నిలుస్తుంది. అలానే చిత్రానికి పనిచేసిన బృందం మొదలు తారాగణం వరకు అందరికీ పేరుపేరునా ధన్యవాదాలు” అని చెప్పారు.
ఈ సినిమాలో నవీన్ నేని, ప్రణీత పట్నాయక్, సత్య, కిషోర్ మర్రి శెట్టి, ప్రవీణ్ రెడ్డి, సతీష్ శెట్టి, బన్నీ వోక్స్, చందనరాజ్, కియారా నాయుడు, మాస్టర్ రాకేశ్ తమోఘ్నా తదితరులు నటించారు. ఈ సినిమాకు కథ రాజేంద్ర వైట్ల, నాగరాజు అందించారు.
