Irumudi: అయ్యప్ప భక్తులకు పూనకాలే.. ఇరుముడి మూవీలో ‘విల్లాలి వీరుడు’ సాంగ్‌.. క్లారిటీ ఇచ్చిన జీవీ ప్రకాష్

GV Prakash Kumar confirmed that Villali Veerudu song will be in raviteja Irumudi movie

• ఇరుముడిలో విల్లాడి వీరుడు పాట.
• జీవీ ప్రకాష్ అధికారిక ధృవీకరణ.
• అయ్యప్ప మాల నేపథ్యంలో సినిమా.

Irumudi: మాస్ మహారాజా రవితేజ, సెన్సిబుల్ డైరెక్టర్ శివ నిర్వాణ కాంబినేషన్‌లో వస్తున్న ‘ఇరుముడి(Irumudi)’ చిత్రంపై ప్రేక్షకుల్లో భారీ అంచనాలు నెలకొన్నాయి. మైత్రీ మూవీ మేకర్స్ నిర్మిస్తున్న ఈ సినిమా అయ్యప్ప మాల, ఆధ్యాత్మికత, బలమైన ఎమోషనల్ కంటెంట్ నేపథ్యంలో తెరకెక్కుతోంది. రవితేజ కెరీర్‌లో ఇది ఒక విభిన్నమైన ప్రయత్నం కావడంతో, ఆయనను సరికొత్త కోణంలో చూడాలని అభిమానులు ఆసక్తిగా ఎదురుచూస్తున్నారు. ఈ చిత్రంలో ప్రియా భవానీ శంకర్ హీరోయిన్‌గా నటిస్తుండగా, జీవీ ప్రకాష్ కుమార్ సంగీతాన్ని అందిస్తున్నారు.

Sahithi Dasari: సాహితీ దాసరి గ్లామర్ విందు.. స్టన్నింగ్ ఫోటోలతో నెట్టింట మంటలు

అయ్యప్ప భక్తులకు ఎంతో ఇష్టమైన ‘విల్లాడి వీరుడు ఎక్కినాడు పల్లకి.. వీర మణికంఠుడు ఎక్కినాడు పల్లకి’ అనే పాట ఈ సినిమాలో ఉంటుందా లేదా అనే విషయంపై గత కొద్దిరోజులుగా సోషల్ మీడియాలో పెద్ద ఎత్తున చర్చ నడుస్తోంది. ఈ సాంగ్ సినిమాలోని ప్రధాన ఘట్టాలకు ప్రాణం పోస్తుందని, ఒకవేళ ఉంటే సినిమా రేంజ్ మారుతుందని సినీ వర్గాలు భావించాయి. రవితేజ ఎనర్జీకి తోడు ఈ పవర్‌ఫుల్ భక్తి గీతం తోడైతే థియేటర్లలో పూనకాలు రావడం ఖాయమని అంతా భావించారు.

తాజాగా ఈ ఉత్కంఠకు తెరదించుతూ మ్యూజిక్ డైరెక్టర్ జీవీ ప్రకాష్ కుమార్ సోషల్ మీడియా వేదికగా ఒక క్రేజీ అప్‌డేట్ ఇచ్చారు. ఈ సినిమాలో సదరు ఫేమస్ అయ్యప్ప సాంగ్ ఉంటుందని ఆయన అధికారికంగా ధృవీకరించారు. దీంతో రవితేజ అభిమానులు ఆనందం వ్యక్తం చేస్తున్నారు. జీవీ ప్రకాష్ తనదైన శైలిలో ఈ పాటను రీమిక్స్ లేదా రీక్రియేట్ చేయబోతున్నారని సమాచారం. ఈ ప్రకటనతో ‘ఇరుముడి’ చిత్రంపై అంచనాలు ఒక్కసారిగా ఆకాశాన్ని తాకాయి. ఈ ఇయర్ ఎండింగ్ లో ప్రేక్షకుల ముందుకు రానుంది ఈ మూవీ.