‘కలియుగ’ సినిమా ఆడియో పాటలను పవర్ స్టార్ పవన్ కళ్యాణ్ విడుదల చేసి, చిత్రాబృందానికి శుభాకాంక్షలు తెలిపారు..
రాజ్, స్వాతి దీక్షిత్ జంటగా, తిరుపతి దర్శకత్వంలో.. బాలాజీ సిల్వర్ స్ర్కీన్ బ్యానర్‌పై, నటుడు సూర్య (పింగ్ పాంగ్) నిర్మించిన సినిమా ‘కలియుగ’.. ఈ సినిమా ఆడియో పాటలను శుక్రవారం పవర్‌స్టార్ పవన్ కళ్యాణ్ విడుదల చేశారు.
మంచి సందేశంతో తీసిన ‘కలియుగ’ నిర్మాతగా సూర్యకు మంచి పేరు తెచ్చిపెట్టాలని, చిత్రాబృందానికి శుభాకాంక్షలు తెలిపారు వపన్. కమల్ కుమార్ కంపోజ్ చేసిన ఈ ఆల్బమ్‌లో మొత్తం ఆరు పాటలున్నాయి.
వరికుప్పల యాదగిరి నాలుగు పాటలు, శివ, శ్రీరామ్ తపస్వీ ఒక్కో పాట రాశారు. రేవంత్, శిల్ప, ధనుంజయ్, ప్రదీప్ సోమసుందరన్, వరికుప్పల యాదగిరి, కమల్ కుమార్ తదితరులు పాడారు. త్వరలో ‘కలియుగ’ విడుదల కానుంది.
