Adipurush: ఆదిపురుష్ నుండి కొత్త పోస్టర్.. సీతగా ఆకట్టుకుంటున్న కృతి సనన్!

New Poster Of Kriti Sanon From Adipurush Revealed

Adipurush: ఇండియాస్ మోస్ట్ ప్రెస్టీజియస్ మూవీగా తెరకెక్కుతున్న ‘ఆదిపురుష్’ కోసం ప్రేక్షకులు ఏ స్థాయిలో ఎదురుచూస్తున్నారో అందరికీ తెలిసిందే. ఈ సినిమాను బాలీవుడ్ ఫిల్మ్ మేకర్ ఓం రౌత్ డైరెక్ట్ చేస్తుండగా, రామాయాణం ఆధారంగా ఈ సినిమాను తెరకెక్కిస్తున్నారు. ఈ ఎపిక్ మూవీలో పాన్ ఇండియా స్టార్ ప్రభాస్ రాముడిగా నటిస్తుండగా, బాలీవుడ్ బ్యూటీ కృతి సనన్ సీత పాత్రలో నటిస్తుంది.

Adipurush: హాలీవుడ్ మూవీతో పాటు వస్తున్న ‘ఆదిపురుష్’ ట్రైలర్..?

ఈ సినిమా నుండి ఇటీవల వరుస అప్డేట్స్ ఇస్తూ సందడి చేస్తున్నారు చిత్ర యూనిట్. ఈ క్రమంలోనే ఇవాళ(ఏప్రిల్ 29) సీతా నవమి కావడంతో ఓ సరికొత్త పోస్టర్‌ను చిత్ర యూనిట్ రిలీజ్ చేశారు. సీతగా కృతి సనన్ లుక్ అదిరిపోయింది. సహనానికి మారుపేరు అయిన సీత పాత్రలో కృతి సనన్ ఒదిగిపోయిందని అభిమానులు అంటున్నారు. ఇక సీత పాత్రలో కృతి సనన్ ఈ సినిమాలో ఎలాంటి పర్ఫార్మెన్స్ ఇస్తుందా.. ఆమెకు ఈ సినిమా ఎలాంటి పేరును తీసుకొస్తుందా అని అందరూ ఆతృతగా చూస్తున్నారు.

Adipurush : ట్రిబెకా ఫెస్టివల్ లో ఆదిపురుష్ క్రేజ్ మాములుగా లేదుగా..

ప్రభాస్ రాముడిగా చేస్తున్న సినిమా కావడంతో ఆదిపురుష్ పై అంచనాలు నెక్ట్స్ లెవెల్‌లో నెలకొన్నాయి.ఈ సినిమాలో లంకేశ్ పాత్రలో బాలీవుడ్ నటుడు సైఫ్ అలీ ఖాన్ నటిస్తుండగా, ఈ చిత్రాన్ని పాన్ ఇండియా మూవీగా భారీ స్థాయిలో రిలీజ్ చేసేందుకు మేకర్స్ రెడీ అవుతున్నారు. జూన్ 16న ఆదిపురుష్ చిత్రాన్ని ప్రపంచవ్యాప్తంగా రిలీజ్ చేస్తున్నట్లు చిత్ర యూనిట్ ఇప్పటికే అనౌన్స్ చేసింది.