Devara : ఎన్టీఆర్ ‘దేవర’ గ్లింప్స్ వచ్చేసింది.. ఎప్పటికీ దయ చూపేది లేదంటూ..

Devara : ఆర్ఆర్ఆర్ తర్వాత ఎన్టీఆర్ చేస్తున్న సినిమా ‘దేవర’. కొరటాల శివ దర్శకత్వంలో తెరకెక్కుతున్న ఈ చిత్రం రెండు భాగాలుగా ఆడియన్స్ ముందుకు రాబోతుంది. కళ్యాణ్ రామ్ నిర్మిస్తున్న ఈ చిత్రం దాదాపు 300 కోట్ల భారీ బడ్జెట్ తో రూపొందుతుంది. జాన్వీ కపూర్ హీరోయిన్ గా నటిస్తున్న ఈ సినిమాలో బాలీవుడ్ స్టార్ హీరో సైఫ్ అలీఖాన్, మలయాళం స్టార్ షైన్ టామ్ చాకో లు విలన్స్ గా కనపడబోతున్నారు.

ఇక శరవేగంగా చిత్రీకరణ జరుపుకుంటున్న ఈ మూవీ నుంచి.. సంక్రాంతి కానుకగా అభిమానుల ముందుకు మూవీ నుంచి గ్లింప్స్ ని తీసుకు వచ్చారు. అనిరుద్ బ్యాక్‌గ్రౌండ్ స్కోర్ తో గ్లింప్స్ అదిరిపోయింది. ఇంగ్లీష్ లిరిక్స్ తో గ్లింప్స్ ని నడిపించగా.. చివరిలో ఎన్టీఆర్ ఓ డైలాగ్ తో ముగించారు. “ఈ సముద్రం చేపలు కంటే కత్తుల్ని, నెత్తురునే ఎక్కువ చుసుండాది. అందుకేనేమో దీనిని ఎర్ర సముద్రం అన్నారు”. మరి ఆ గ్లింప్స్ ని మీరు కూడా చూసేయండి.

Also read : Salaar : ప్రభాస్ ఫ్యాన్స్‌ని మళ్ళీ నిరాశపరిచిన సలార్ మేకర్స్.. సక్సెస్ పార్టీని కూడా..

ఇక ఈ గ్లింప్స్ చూస్తుంటే.. ఇది పైరేట్స్ నేపథ్యంతో సాగే కథ అని అర్ధమవుతుంది. గ్లింప్స్ లో ఒక పెద్ద షిప్‌లో ఉన్న కంటైనర్స్ ని దేవర జనం దొంగతనం చేయడం కనిపిస్తుంది. గ్లింప్స్ లో ఎన్టీఆర్ ని చూస్తుంటే పాత్ర చాలా వైల్డ్ గా ఉండబోతుందని అర్ధమవుతుంది. అలాగే “నువ్వు ఎప్పుడు సముద్రాన్ని తాకలేదు. నువ్వు ఎప్పుడు నాతో ఆడలేదు. నేను ఎప్పుడు నీ పై దయ చూపించను. నిన్ను నేను బ్రతకనివ్వను. నీ రక్తాన్ని ఏరులయ్యి పారిస్తాను” అంటూ సాగే ఇంగ్లీష్ లిరిక్స్ ఆసక్తికరంగా ఉన్నాయి. కాగా ఈ మూవీ మొదటి భాగం ఏప్రిల్ 5న రిలీజ్ కాబోతుంది.