Parvateesam Market Mahalakshmi Movie Teaser Released by Hero Sree Vishnu
Market Mahalakshmi Teaser : కేరింత మూవీ ఫేమ్ పార్వతీశం(Parvateesam) హీరోగా, ప్రణీకాన్వికా హీరోయిన్ గా కొత్త దర్శకుడు వియస్ ముఖేష్ దర్శకత్వంలో తెరకెక్కుతున్న సినిమా ‘మార్కెట్ మహాలక్ష్మి’. అఖిలేష్ కలారు బి2పి స్టూడియోస్ నిర్మాణంలో ఈ సినిమాని తెరకెక్కిస్తున్నారు. ఇప్పటికే టైటిల్, పోస్టర్స్ తో ఇంటరెస్టింగ్ గా అనిపించిన మార్కెట్ మహాలక్ష్మి సినిమా నుంచి తాజాగా టీజర్ రిలీజ్ చేసారు.
మార్కెట్ మహాలక్ష్మి టీజర్ లో.. ఓ కూరగాయల అమ్మాయి కూరగాయలు కొనడానికి వచ్చిన కస్టమర్ తో గొడవ పడుతుంది. ఆమె నా కొడుకుని పిలుస్తా అంటే హీరో వచ్చి కూరగాయలు అమ్మే అమ్మాయికి ఐ లవ్ యు చెప్తాడు. దీంతో హీరోయిన్, లవర్ ఇద్దరూ హీరో చెంపలు వాయిస్తారు. మార్కెట్ మహాలక్ష్మితో మజాక్ లాడితే మంచిగుండదు అని హీరోయిన్ డైలాగ్ విసురుతుంది. ఇలా టీజర్ ఆద్యంతం ఆసక్తిగా ఉంది. ఓ సాఫ్ట్‌వేర్ అబ్బాయి కూరగాయలమ్మే అమ్మాయిని ప్రేమించి, ఆ అమ్మాయి ప్రేమని ఎలా పొందాడు అనే కథాంశంతో ఈ సినిమా రాబోతుంది.
ఇక టీజర్ ని హీరో శ్రీవిష్ణు రిలీజ్ చేశారు. టీజర్ రిలీజ్ అనంతరం శ్రీవిష్ణు మాట్లాడుతూ.. మార్కెట్ మహాలక్ష్మి టీజర్ చాలా ఫన్నీ గా ఉంటూనే హీరో, హీరోయిన్ క్యారెక్టరైజెషన్ బాగుంది. పార్వతీశం కామెడీ టైమింగ్ బాగుంటుంది. ఈ సినిమాలోని వారందరికీ మంచి పేరు రావాలని కోరుకుంటున్నాను అంటూ చిత్రయూనిట్ కి ఆల్ ది బెస్ట్ తెలిపారు.
