Pawan Kalyan – Nidhhi Agerwal : పవన్ ‘హరిహర వీరమల్లు’ అప్డేట్.. హీరోయిన్ ఫస్ట్ లుక్ రిలీజ్..

Pawan Kalyan HariHara VeeraMallu Movie Nidhhi Agerwal First Look Poster Released

Pawan Kalyan – Nidhhi Agerwal : పవన్ కళ్యాణ్ రాజకీయాల్లో బిజీగా ఉండటంతో చేతిలో ఉన్న మూడు సినిమాలు కొన్నాళ్ళు పక్కన పెట్టారు. ఇటీవల పవన్ ఓ మీటింగ్ లో మాట్లాడుతూ ఎలాగైనా వాటికి డేట్స్ ఇచ్చి ఆ మూడు సినిమాలు పూర్తిచేస్తానని తెలిపారు. దీంతో పవన్ సినిమాల కోసం ఫ్యాన్స్ ఎదురుచూస్తున్నారు. పవన్ కెరీర్ లో మొదటి పీరియాడిక్ సినిమాగా హరిహర వీరమల్లు ఎప్పుడో మొదలుపెట్టారు.

కానీ అనేక కారణాలతో వాయిదా పడుతూ వస్తున్న ఈ సినిమా ఇటీవల మళ్ళీ రెగ్యులర్ షూట్ మొదలుపెట్టింది. ఆగస్టు 14 నుంచి హరిహర వీరమల్లు భారీ యాక్షన్ సీక్వెన్స్ షూట్ జరుగుతుంది. త్వరలోనే పవన్ కళ్యాణ్ కూడా షూట్ లో జాయిన్ అవుతాడని నిర్మాతలు నిన్నే ప్రకటించారు. తాజాగా ఈ సినిమా నుంచి హీరోయిన్ ఫస్ట్ లుక్ పోస్టర్ రిలీజ్ చేసారు.

Also Read : Chiranjeevi – Ramya : చిరంజీవికి చెల్లెలిగా ఈ హీరోయిన్.. ‘విశ్వంభర’ సీక్రెట్స్ చెప్పేసిన భామ..

హరిహర వీరమల్లు సినిమాలో నిధి అగర్వాల్ హీరోయిన్ గా నటిస్తుంది. ఈ సినిమాలో నిధి ఓ మహారాణి పాత్ర పోషిస్తున్నట్టు తెలుస్తుంది. తాజాగా నేడు నిధి అగర్వాల్ పుట్టిన రోజు కావడంతో ఆమెకు పుట్టిన రోజు శుభాకాంక్షలు తెలుపుతూ ఫస్ట్ లుక్ రిలీజ్ చేసారు. ఈ ఫస్ట్ లుక్ లో నిధి అగర్వాల్ మహారాణిలా నిండుగా ఆభరణాలతో రెడీ అయింది. దీంతో ఈ పోస్టర్ వైరల్ గా మారింది. ఇక హరిహర వీరమల్లు రెండు పార్టులుగా రానుంది. ఈ సినిమాలు పాన్ ఇండియా వైడ్ రిలీజ్ కానున్నాయి. పవన్ కళ్యాణ్ ఇచ్చే డేట్స్ బట్టి వచ్చే సంవత్సరం హరిహర వీరమల్లు రిలీజ్ చేస్తారని తెలుస్తుంది.