Pawan kalyan Sai Dharam Tej BRO Movie OTT release date details
BRO Movie : పవన్ కళ్యాణ్ (Pawan kalyan), సాయిధ‌ర‌మ్‌ తేజ్ (Sai Dharam Tej) కలయికలో తమిళ్ చిత్రానికి రీమేక్ గా తెరకెక్కిన సినిమా ‘బ్రో’. ఒరిజినల్ వెర్షన్ డైరెక్ట్ చేసిన సముద్రఖనినే ఈ రీమేక్ ని కూడా తెరకెక్కించాడు. కేతిక శర్మ (Ketika Sharma), ప్రియా వారియర్, బ్రహ్మానందం, వెన్నెల కిషోర్, 30 ఇయర్స్ పృథ్వి తదితరులు ప్రధాన పాత్రల్లో నటించారు. పీపుల్ మీడియా ఫ్యాక్టరీ నిర్మించిన ఈ సినిమా జులై 28న రిలీజ్ అయ్యి మంచి హిట్టుని అందుకుంది. బాక్స్ ఆఫీస్ వద్ద 130 కోట్ల పైగా కలెక్షన్స్ సాధించినట్లు సమాచారం.
రాజకీయ వివాదాల మధ్య థియేటర్స్ లో సక్సెస్ ఫుల్ గానే రన్ అయ్యిన ఈ మూవీ ఇప్పుడు ఓటీటీలో సందడి చేయడానికి సిద్దమవుతుంది. ఈ నెల (ఆగస్టు) 25 నుంచి ఈ మూవీ నెట్‌ఫ్లిక్స్ (Netflix) లో ప్రసారం కానుంది. తెలుగుతో పాటు తమిళ్, మలయాళ, కన్నడ, హిందీ భాషల్లో కూడా ఈ చిత్రం స్ట్రీమింగ్ అవ్వనుంది. థియేటర్ లో మామాఅల్లుళ్ళ అల్లరి మిస్ అయిన వారు ఓటీటీలో చూసి ఎంజాయ్ చేసేయండి.
ఇక ఈ మూవీలోని 30 ఇయర్స్ పృథ్వి క్యారెక్టర్ ఏపీ రాజకీయాల్లో వివాదానికి దారి తీసింది. ఆ పాత్ర ఆంధ్రప్రదేశ్ మంత్రి అంబటి రాంబాబుని పోలి ఉందంటూ కామెంట్స్ వినిపించడంతో, అంబటి కూడా అభ్యంతరం వ్యక్తం చేశారు. ఈ క్రమంలో జనసేన నాయకులు, అంబటి మధ్య విమర్శల యుద్ధం జరిగింది. ఇక దీని పై సాయి ధరమ్ తేజ్ స్పందిస్తూ.. “ఆ పాత్ర ఒక పీఆర్ వ్యక్తి క్యారెక్టర్ ను స్ఫూర్తి పొంది చేసింది. అంబటి రాంబాబుకు ఆ పాత్రకి ఎటువంటి సంబంధం లేదు. కాబట్టి రాజకీయాలకు, సినిమాకు ముడిపెట్టకండి” అంటూ పేర్కొన్నాడు.
