Kalki Bujji : కల్కిలో ‘బుజ్జి’ కోసం ఏకంగా అన్ని కోట్లా? స్పెషల్‌గా గాల్లో ఎగిరేలా తయారుచేసి..

ఇటీవల కల్కి సినిమా నుంచి భైరవ(ప్రభాస్ పాత్ర పేరు) బుజ్జి అని కీర్తి సురేష్ వాయిస్ తో ఓ వీడియో చూపించారు. బుజ్జి అంటే సినిమాలో ప్రభాస్ పాత్ర వాడే వాహనం అని సమాచారం.

Kalki Bujji : కల్కిలో ‘బుజ్జి’ కోసం ఏకంగా అన్ని కోట్లా? స్పెషల్‌గా గాల్లో ఎగిరేలా తయారుచేసి..

Prabhas Kalki 2898AD Movie Bujji Vehicle Specially Designed with Crores

Updated On : May 22, 2024 / 6:40 AM IST

Kalki Bujji : నాగ్ అశ్విన్ దర్శకత్వంలో ప్రభాస్(Prabhas) హీరోగా తెరకెక్కుతున్న కల్కి సినిమాపై భారీ అంచనాలు ఉన్న సంగతి తెలిసిందే. ఈ సినిమా కోసం అభిమానులు, ప్రేక్షకులు ఎంతగానో ఎదురుచూస్తున్నారు. ఏకంగా 400 కోట్ల బడ్జెట్ తో అమితాబ్, కమల్ హాసన్, దీపికా పదుకోన్, దిశా పటాని.. లాంటి చాలా మంది స్టార్స్ తో, ఇంకొంతమంది గెస్ట్ అప్పీరెన్స్ తో ఈ సినిమా తెరకెక్కుతుంది. కల్కి 2898AD సినిమా జూన్ 27న రిలీజ్ కాబోతున్నట్టు ఇప్పటికే మూవీ యూనిట్ ప్రకటించింది. ఇక ఈ సినిమా నుంచి వచ్చిన గ్లింప్స్, పోస్టర్స్, స్క్రాచ్ వీడియోలతో సినిమా హాలీవుడ్ రేంజ్ లో ఉండబోతుందని తెలుస్తుంది.

ఇటీవల కల్కి సినిమా నుంచి భైరవ(ప్రభాస్ పాత్ర పేరు) బుజ్జి అని కీర్తి సురేష్ వాయిస్ తో ఓ వీడియో చూపించారు. బుజ్జి అంటే సినిమాలో ప్రభాస్ పాత్ర వాడే వాహనం అని సమాచారం. అయితే ఈ వాహనాన్ని స్పెషల్ గా తయారుచేశారట. గతంలో కల్కి సినిమా మొదలుపెట్టినప్పుడు కల్కి డైరెక్టర్ నాగ్ అశ్విన్ మహేంద్ర అధినేత ఆనంద్ మహేంద్రని కలిసి ఈ సినిమా కోసం స్పెషల్ గా వెహికల్స్ కావాలి అని తనకు నచ్చినట్టు డిజైన్ చేయించుకున్నాడు. నాగ్ అశ్విన్ మహేంద్రను కలిసిన వీడియోలు, ఆ ట్వీట్లు కూడా గతంలో వైరల్ అయ్యాయి.

Also Read : Naga Chaitanya : నాగచైతన్య కొత్త కారు భలే ఉందిగా.. ఈ లగ్జరీ స్పోర్ట్స్ మోడల్ స్పెషాలిటీ ఏంటో తెలుసా? ధర ఎంతంటే?

అయితే ఆ బుజ్జి అనే స్పెషల్ వెహికల్ ని ఏకంగా 7 కోట్లు ఖర్చుపెట్టి తయారుచేశారని తెలుస్తుంది. సినిమాలో యుద్ధ సన్నివేశాల్లో ప్రత్యేకంగా దీన్ని వాడతారని, ఈ వెహికల్ గాల్లోకి కూడా ఎగురుతుంది అని సమాచారం. సినిమాలో ఒక్క వాహనం కోసం ఏకంగా 7 కోట్లు ఖర్చు పెట్టారంటే సినిమాని ఏ రేంజ్ లో ప్లాన్ చేసారో అని అభిమానులు, ప్రేక్షకులు ఆశ్చర్యపోతున్నారు. అలాగే ఈ సినిమాలో ప్రభాస్ కి స్పెషల్ గా రెండు కోట్లు పెట్టి బులెట్స్ పేల్చే జాకెట్ కూడా తయారుచేశారని తెలుస్తుంది. దీంతో ఈ సినిమాలో ఇంకెన్ని విశేషాలు కొత్త కొత్తగా చూపిస్తారో అని ఎదురుచూస్తున్నారు ప్రేక్షకులు.

ఇక నేడు మే 22న ఈ బుజ్జి పాత్రను పరిచయం చేస్తూ హైదరాబాద్ రామోజీ ఫిలింసిటీలో సాయంత్రం 5 గంటల నుండి భారీ వేడుకను నిర్వహించబోతున్నారు కల్కి టీం. ఈ ఈవెంట్ కి ప్రభాస్ అభిమానులు భారీగా రాబోతున్నారు. ప్రభాస్ తో పాటు మూవీ యూనిట్ అంతా వస్తారని సమాచారం.