Prabhas Salaar Part 1 Ceasefire trailer update
Salaar : ప్రభాస్ హీరోగా ప్రశాంత్ నీల్ తెరకెక్కిస్తున్న ‘సలార్’ సినిమా కోసం టాలీవుడ్ ఆడియన్స్ తో పాటు ఇండియా వైడ్ మూవీ లవర్స్ ఆసక్తి చూపిస్తున్నారు. రెండు భాగాలుగా వస్తున్న ఈ మూవీ ఫస్ట్ పార్ట్ సెప్టెంబ‌ర్ లోనే రిలీజ్ చేస్తామంటూ ప్రకటించినప్పటికీ.. సినిమా పనులు పూర్తి కాకపోవడంతో వాయిదా వేసుకున్నారు. సలార్ పార్ట్ 1 సీజ్ ఫైర్ ని డిసెంబర్ 22న రిలీజ్ చేస్తామంటూ మేకర్స్ ప్రకటించారు. అయితే రిలీజ్ దగ్గర పడుతున్న చిత్ర యూనిట్ మాత్రం ప్రమోషన్స్ మొదలు పెట్టడం లేదు.
మూవీ నుంచి కొత్త పోస్టర్స్ అండ్ టీజర్స్ ఏం రిలీజ్ చేయడం లేదు. ట్రైలర్ గురించిన అప్డేట్ కూడా రాకపోవడంతో.. ఈ సినిమా మళ్ళీ పోస్టుపోన్ అవుతుందనే వార్తలు వినిపిస్తున్నాయి. అయితే ఇప్పుడు ఈ వార్తలకు చెక్ పెడుతూ.. ట్రైలర్ ని ఆడియన్స్ ముందుకు తీసుకు రావడానికి మేకర్స్ సిద్దమవుతున్నారట. ఈ సినిమా ట్రైలర్ ని డిసెంబర్ 1న రిలీజ్ చేయడానికి నిర్మాతలు డేట్ ఫిక్స్ చేసుకున్నారట. చిత్ర యూనిట్ నుంచి దీనిపై ఎటువంటి అధికారిక ప్రకటన రాలేదు. అయితే ఇండస్ట్రీ వర్గాల్లోని కొందరు నమ్మదగిన వ్యక్తులు ఈ వార్త నిజమే అని చెబుతున్నారు.
Also read : Rajinikanth : అభిమాని ఇంటికి వెళ్లిన రజినీకాంత్.. నిద్ర చెడగొట్టానా అంటూ..
ప్రభాస్ కూడా మొన్నటి వరకు యూరోప్ లో ఉన్న సంగతి తెలిసిందే. మోకాలి సర్జరీ కోసం వెళ్లిన ప్రభాస్.. రీసెంట్ గా ఇండియా తిరిగి వచ్చాడు. దీంతో సలార్ ప్రమోషన్స్ కూడా ఊపు అందుకున్నాయని సమాచారం. మరి ఈ ట్రైలర్ అనౌన్స్‌మెంట్ ఇస్తూ మేకర్స్ కొత్త పోస్టర్ ఏమైనా రిలీజ్ చేస్తారేమో చూడాలి. కాగా ఈ సినిమాలో శ్రుతిహాసన్ హీరోయిన్ గా న‌టిస్తోంది. మలయాళ స్టార్ హీరో పృథ్వీరాజ్ సుకుమారన్, జగపతి బాబు విలన్స్ గా, శ్రియారెడ్డి కీల‌క పాత్ర‌ను పోషించింది. రవి బస్రూర్ సంగీతం అందిస్తున్నాడు.
