Raa Macha Macha song from Ram Charan Game changer movie
గ్లోబ‌ల్ స్టార్ రామ్‌చ‌ర‌ణ్ న‌టిస్తున్న చిత్రం ‘గేమ్ ఛేంజర్’. శంకర్ ద‌ర్శ‌క‌త్వంలో ఈ సినిమా తెర‌కెక్కుతోంది. కియారా అడ్వాణి హీరోయిన్‌. శ్రీవెంకటేశ్వర క్రియేషన్స్ పతాకంపై దిల్‍రాజు, శిరీష్ లు ఈ చిత్రాన్ని నిర్మించారు. అంజలి, ఎస్‍జే సూర్య, శ్రీకాంత్, జయరాం, సునీల్, సముద్రఖని కీల‌క పాత్ర‌లను పోషిస్తున్నారు. దాదాపు చిత్రీక‌ర‌ణ పూర్తి చేసుకున్న ఈ మూవీ ప్ర‌స్తుతం నిర్మాణానంత‌ర కార్య‌క్ర‌మాల‌ను జ‌రుపుకుంటోంది.
ఇదిలా ఉంటే.. తాజాగా ఈ చిత్రం నుంచి రెండో పాట రా మచ్చా.. మచ్చా అంటూ సాగే పాట‌ను చిత్ర బృందం విడుద‌ల చేసింది. అనంత శ్రీరామ్ లిరిక్స్ రాయ‌గా న‌కాష్ అజీజ్ పాట‌గా త‌మ‌న్ సంగీతాన్ని అందించాడు. ఈ పాట‌లో రామ్ చ‌ర‌ణ్ ఎంతో గ్రేస్‌తో స్టెప్‌ల‌ను వేశాడు. మొత్తంగా పాట అదిరిపోయింది. ప్ర‌స్తుతం యూ ట్యూబ్‌లో దూసుకుపోతుంది.
NTR – Devara : అమెరికా నుంచి తిరిగొచ్చిన ఎన్టీఆర్.. ‘దేవర’ సక్సెస్ మీట్ అయినా పెడతారా?
ఈ పాట చిత్రీక‌ర‌ణ‌కు సంబంధించిన విశేషాల గురించి డైరెక్ట‌ర్ శంకర్, మ్యూజిక్ డైరెక్ట‌ర్ త‌మ‌న్ ఇటీవ‌ల ప్ర‌త్యేకంగా మాట్లాడారు. ఏకంగా 1000కి పైగా జాన‌ప‌ద క‌ళాకారులు ఈ పాట‌లో గ్లోబ‌ల్ స్టార్ రామ్ చ‌ర‌ణ్‌తో క‌లిసి డాన్స్ చేసిన‌ట్లు తెలిపారు. ఆంధ్ర‌ప్ర‌దేశ్‌, ఒరిస్సా, క‌ర్ణాట‌క, వెస్ట్ బెంగాల్‌, జార్ఖండ్ రాష్ట్రాల‌కు చెందిన జాన‌ప‌ద క‌ళాకారులు పాట‌లో భాగ‌మ‌య్యార‌ని అన్నారు.
