Varanasi : ఇక్కడేమో ఫ్యాన్స్ వెయిటింగ్.. అక్కడేమో ‘వారణాసి’కి సమ్మర్ హాలిడేస్..

Varanasi

Varanasi : మహేష్ బాబు హీరోగా రాజమౌళి దర్శకత్వంలో వారణాసి సినిమా భారీగా తెరకెక్కుతున్న సంగతి తెలిసిందే. ఇప్పటికే ఈ సినిమా టైటిల్ గ్లింప్స్ తోనే భారీ అంచనాలు నెలకొన్నాయి. ప్రియాంక చోప్రా, పృథ్వీరాజ్ సుకుమారన్.. ఇలా స్టార్ కాస్ట్ తో పాన్ వరల్డ్ సినిమాగా వారణాసి ని తెరకెక్కిస్తున్నారు. ఏప్రిల్ 2027 లో రిలీజ్ చేస్తామని ప్రకటించారు కూడా. దీంతో ఫ్యాన్స్ ఈ సినిమా కోసం, సినిమా అప్డేట్స్ కోసం ఎదురుచూస్తున్నారు.

ఇప్పటికే వారణాసి సినిమా దాదాపు 50 శాతం షూటింగ్ పూర్తయింది. ప్రస్తుతం ఈ సినిమా షూటింగ్ హైదరాబాద్ లో వేసిన వారణాసి సెట్ లో జరుగుతుంది. అయితే ఈ సినిమా షూటింగ్ కి సమ్మర్ హాలిడేస్ ఇవ్వబోతున్నారట. ప్రస్తుతం జరుగుతున్న షూటింగ్ మరో రెండు వారాల పాటు సాగనుంది. ఏప్రిల్ చివరి వారంతో ఈ షెడ్యూల్ అయిపోనుంది.

Also Read : Adivi Sesh : వాళ్లకు ఇచ్చిన మాట కోసం.. బాలీవుడ్ సినిమాలు వదిలేసుకుంటున్న అడివి శేష్..

అప్పట్నుంచి మే చివరి వరకు వారణాసి సినిమాకు సమ్మర్ హాలిడేస్ ఇస్తున్నారంట. సాధారణంగా మహేష్ తన హెల్త్, తన ఫేస్ గ్లో మెయింటైన్ చేయడం కోసం సమ్మర్ లో షూటింగ్ చేయడు అని టాలీవుడ్ లో టాక్ ఉంది. మహేష్ ని చూసి ఇది ఫాలో అవ్వాలని చాలా మంది అనుకుంటారు. అలాగే ఈ సారి ప్రియాంక చోప్రా కూడా ఉంది. దీంతో సమ్మర్ లో షూట్ కి స్టార్స్ ఎక్కువ టైడ్ అవ్వుతారని ఒక నెల రోజుల పాటు షాట్ కి గ్యాప్ ఇవ్వబోతున్నారు రాజమౌళి అని సమాచారం.

ఈ గ్యాప్ లో మహేష్ ఎప్పట్లాగే తన ఫ్యామిలీతో విదేశాలకు వెకేషన్ కి ప్లాన్ చేసుకుంటున్నారట. ప్రియాంక కూడా ఈ షెడ్యూల్ అయిపోగానే అమెరికా వెళ్ళిపోనుంది. అనంతరం జూన్ లో అంటార్కిటికా షెడ్యూల్ షూట్ ప్లాన్ చేస్తారని తెలుస్తుంది. అక్కడ మంచు కొండల్లో మైనస్ డిగ్రీల ఉష్ణోగ్రతలో చలిలో కీలక సన్నివేశాలు తీయనున్నారు. అంటార్కిటికాలో షూటింగ్ జరుపుకోనున్న మొదటి ఇండియన్ సినిమాగా వారణాసి రికార్డ్ సెట్ చేయనుంది.

Also See : Abhinaya : కార్మేని సెల్వం వర్కింగ్ స్టిల్స్ షేర్ చేసిన అభినయ..