Peddi: నా కూతురిని ఎత్తుకోలేకపోతున్నా.. ఆ నొప్పి తెలుస్తోంది.. పెద్ది కోసం ప్రాణం పెట్టిన రామ్ చరణ్

Ram Charan interesting comments about the difficulties faced at Peddi shooting

• ‘పెద్ది’ కోసం చరణ్ కఠిన శ్రమ
• కూతురిని ఎత్తుకోలేనంత తీవ్రమైన నొప్పులు
• రామ్ చరణ్ కామెంట్స్ వైరల్

Peddi: మెగా పవర్‌స్టార్ రామ్ చరణ్ హీరోగా నటిస్తున్న తాజా చిత్రం ‘పెద్ది’ (Peddi). ఈ సినిమా పాన్ ఇండియా లెవల్లో భారీ అంచనాలను రేకెత్తిస్తోంది. స్టార్ డైరెక్టర్ బుచ్చిబాబు సానా దర్శకత్వంలో రూపుదిద్దుకుంటున్న ఈ సినిమా పీరియాడిక్ స్పోర్ట్స్ డ్రామా నేపథ్యంలో సాగనుంది. ఇందులో చరణ్ ఊరమాస్ లుక్‌లో కనిపించబోతున్నారు. ఇప్పటికే విడుదలైన పోస్టర్లు, టీజర్, ట్రైలర్ సినిమా కాన్సెప్ట్ ప్రేక్షకుల్లో విపరీతమైన క్రేజ్ పెంచేశాయి. ఈ ప్రతిష్టాత్మక చిత్రానికి ఆస్కార్ విజేత ఏఆర్ రెహమాన్ సంగీతం అందిస్తుండటం విశేషం.

Anchor Lasya: రివర్ సఫారీ ఎంజాయ్ చేస్తున్న యాంకర్ లాస్య.. భర్త మంజునాథ్ తో క్యూట్ ఫొటోలు వైరల్

ఈ సినిమా కోసం రామ్ చరణ్ పడ్డ కష్టం అంతా ఇంతా కాదు. కథ డిమాండ్ మేరకు ఆయన ఒక వైపు క్రికెటర్ గా, మరోవైపు కుస్తీ పహిల్వాన్ గా ద్విపాత్రాభినయం తరహాలో బాడీని పూర్తిగా ట్రాన్స్‌ఫార్మ్ చేసుకున్నారు. ఇందుకోసం కఠినమైన డైట్, కసరత్తులు చేశారు. ముఖ్యంగా కుస్తీ (రెజ్లింగ్) సన్నివేశాల కోసం నిజమైన పహిల్వాన్లతో తలపడాల్సి వచ్చింది. తాజాగా ఓ ఇంటర్వ్యూలో చరణ్ మాట్లాడుతూ.. “షూటింగ్ సమయంలో ఉన్న ఆవేశంలో నొప్పులు తెలియలేదు కానీ, ఇప్పుడు ఒళ్లంతా నొప్పులుగా ఉంది. కనీసం నా కూతురు క్లిన్ కారాను కూడా ఎత్తుకోలేకపోతున్నాను” అంటూ చేసిన కామెంట్స్ ఆయన అంకితభావాన్ని చాటిచెబుతున్నాయి.

కథానాయకుడి ప్రాణం పెట్టి చేసిన నటన, దర్శకుడి విజన్ ‘పెద్ది’ సినిమాను నెక్స్ట్ లెవెల్‌కు తీసుకెళ్తాయని చిత్ర యూనిట్ ధీమాగా ఉంది. క్రీడా నేపథ్యం ఉన్న యాక్షన్ ఎపిసోడ్స్ ఈ సినిమాకు ప్రధాన ఆకర్షణగా నిలవనున్నాయి. మైత్రీ మూవీ మేకర్స్, సుకుమార్ రైటింగ్స్ సంయుక్తంగా నిర్మిస్తున్న ఈ భారీ బడ్జెట్ చిత్రం, అన్ని కార్యక్రమాలను పూర్తి చేసుకుని జూన్ 4న ప్రపంచవ్యాప్తంగా థియేటర్లలో గ్రాండ్‌గా విడుదల కావడానికి సిద్ధంగా ఉంది.