Ram Charan Janhvi Kapoor Peddi Movie Glimpse Released Release Date Also Announced
Peddi : రామ్ చరణ్ ప్రస్తుతం బుచ్చిబాబు సాన దర్శకత్వంలో ‘పెద్ది’ సినిమా చేస్తున్న సంగతి తెలిసిందే. గేమ్ ఛేంజర్ తర్వాత వస్తున్న ఈ సినిమాపై భారీ అంచనాలు ఉన్నాయి. ఇప్పటికే ఈ సినిమా మూడు షెడ్యూల్స్ షూటింగ్ కూడా పూర్తయింది. పాటలు కూడా రెడీ చేసేసారు. ఇటీవల రామ్ చరణ్ పుట్టిన రోజు పెద్ది ఫస్ట్ లుక్ రిలీజ్ చేయగా చరణ్ మాస్ రా & రస్టిక్ లుక్ చూసి ఫ్యాన్స్ ఈ సినిమాపై మరిన్ని హైప్స్ పెంచుకున్నారు.
Also See : Arjun S/O Vyjayanthi : ‘అర్జున్ సన్నాఫ్ వైజయంతి’ శ్రీరామ నవమి స్పెషల్ ఇంటర్వ్యూ చూశారా..?
తాజాగా నేడు శ్రీరామ నవమి సందర్భంగా పెద్ది సినిమా నుంచి ఫస్ట్ షాట్ అని గ్లింప్స్ రిలీజ్ చేసారు. మీరు కూడా ఈ గ్లింప్స్ చూసేయండి..
ఇక ఈ గ్లింప్స్ లో.. ఒకే పని చేసేనాకి, ఒకేలా బతికేనాకి ఇంత పెద్ద బతుకు ఎందుకు. ఏదైనా ఈ నేల మీద ఉన్నప్పుడే చేసెయ్యాల. పుడతామా ఏంటి మళ్ళీ అంటూ చరణ్ వాయిస్ తో డిఫరెంట్ స్లాంగ్ లో డైలాగ్ అదరగొట్టారు. ఈ సినిమా ఊళ్ళో క్రికెట్ పోటీల మీద ఉండబోతున్నట్టు తెలుస్తుంది. గ్లింప్స్ లో రామ్ చరణ్ బ్యాట్ పట్టుకొని అదిరిపోయే షాట్ కొట్టాడు. రామ్ చరణ్ మాస్ లుక్ చూసి ఫ్యాన్స్ పండగ చేసుకుంటున్నారు.
ఇక ఈ సినిమాని వచ్చే సంవత్సరం మార్చ్ 26 రిలీజ్ చేస్తామని అధికారికంగా ప్రకటించారు. అంటే మళ్ళీ వచ్చే సంవత్సరం శ్రీరామ నవమికి సినిమా రిలీజ్ అవ్వనుంది. ప్రస్తుతం పెద్ది సినిమా శరవేగంగా సినిమా షూటింగ్ చేస్తున్నారు. ఈ సినిమాలో జాన్వీ కపూర్ హీరోయిన్ గా నటిస్తుంది. ఈ గ్లింప్స్ తో సినిమాపై మరిన్ని అంచనాలు నెలకొన్నాయి.
