Irumudi Trailer: రవితేజ ‘ఇరుముడి’ ట్రైలర్ విడుదల.. శబరిమల భక్తి, పవర్ ఫుల్ యాక్షన్ నెక్స్ట్ లెవెల్

Ravi Teja 'Irumudi' movie trailer released.

• రవితేజ ‘ఇరుముడి’ ట్రైలర్ విడుదల.
• భక్తి, యాక్షన్ మేళవింపు కథ.
• ఆగస్టు 21న గ్రాండ్ రిలీజ్.

Irumudi Trailer: మాస్ మహారాజా రవితేజ కథానాయకుడిగా, సెన్సిబుల్ డైరెక్టర్ శివ నిర్వాణ కాంబినేషన్‌లో తెరకెక్కుతున్న అత్యంత ఆసక్తికర చిత్రం ‘ఇరుముడి(Irumudi Trailer)’. ప్రియా భవానీ శంకర్ కథానాయికగా నటిస్తున్న ఈ సినిమా అన్ని నిర్మాణానంతర కార్యక్రమాలను వేగంగా పూర్తి చేసుకొని ఆగస్టు 21న ప్రపంచవ్యాప్తంగా థియేటర్లలో విడుదల కానుంది. ఈ క్రమంలో బుధవారం నాడు మేకర్స్ అధికారిక ట్రైలర్ ను విడుదల చేశారు. ఎమోషనల్ అండ్ ఇంటెన్స్ కంటెంట్ తో వచ్చిన ఈ ట్రైలర్ ప్రస్తుతం సోషల్ మీడియాలో విశేషంగా ఆకట్టుకుంటోంది.

Chris Froggatt-Ileana: బ్రిటిష్ డ్రైవర్ ను పెళ్లి చేసుకున్న మలేసియా యువరాణి.. కౌలాలంపూర్‌లో రాయల్ వెడ్డింగ్.. పిక్స్ వైరల్

భక్తి, యాక్షన్, కుటుంబ భావోద్వేగాలు:

తాజాగా విడుదలైన ట్రైలర్‌ను పరిశీలిస్తే.. శబరిమల అయ్యప్ప స్వామి భక్తి నేపథ్యానికి పవర్ ఫుల్ యాక్షన్, బలమైన కుటుంబ భావోద్వేగాలను జోడించి ఈ చిత్రాన్ని తెరకెక్కించినట్లు స్పష్టమవుతోంది. రవితేజ తనదైన మాస్ అప్పీల్‌తో పాటు ఒక భక్తుడిగా భిన్నమైన షేడ్స్‌లో అలరించనున్నారు. ఇప్పటికే విడుదలైన ‘ఇరుముడి కట్టు.. శబరిమల ఎక్కు..’ లిరికల్ సాంగ్ శ్రోతలను విశేషంగా ఆకట్టుకుని సినిమాపై అంచనాలను పెంచేసింది.

ఆగస్టు 21న థియేటర్లలో సందడి:

భక్తి వాతావరణం, శివ నిర్వాణ మార్క్ ఎమోషన్స్ సమపాళ్లలో కుదిరిన ఈ చిత్రం రవితేజ కెరీర్‌లో సరికొత్త రికార్డులు సృష్టిస్తుందని చిత్ర యూనిట్ ధీమా వ్యక్తం చేస్తోంది. ఆగస్టు 21న ప్రేక్షకుల ముందుకు రానున్న ఈ సినిమా బాక్సాఫీస్ వద్ద ఏ రేంజ్ హంగామా చేస్తుందో చూడాలి.