అడుగడుగో యాక్షన్ హీరో : ‘రూలర్’ ఫస్ట్ సాంగ్ వచ్చేస్తోంది!

డిసెంబర్ 1వ తేదీ ఉదయం 11:42 నిమిషాలకు ‘రూలర్’ ఫస్ట్ లిరికల్ సాంగ్ రిలీజ్ కానుంది.. క్రిస్మస్ కానుకగా డిసెంబర్ 20 రిలీజ్..

నటసింహ నందమూరి బాలకృష్ణ నటిస్తున్న యాక్షన్ అండ్ ఫ్యామిలీ ఎంటర్‌టైనర్.. ‘రూలర్’.. వేదిక, సోనాల్ చౌహాన్ కథానాయికలు.. ప్రకాష్ రాజ్, జయసుధ, భూమికా చావ్లా కీలకపాత్రల్లో నటించారు. ఇటీవల విడుదల చేసిన టీజర్ ఆకట్టుకుంటోంది. ‘జైసింహా’ తర్వాత బాలయ్య, కె.ఎస్.రవికుమార్ కలయికలో వస్తున్న‘రూలర్’ షూటింగ్ ఇటీవలే పూర్తయ్యింది.

ప్రస్తుతం మూవీ టీమ్ సినిమా ప్రమోషన్స్ స్టార్ట్ చేయనున్నారు. డిసెంబర్ 1వ తేదీ ఉదయం 11:42 నిమిషాలకు ఫస్ట్ లిరికల్ సాంగ్ రిలీజ్ కానుంది. రామజోగయ్యశాస్త్రి రాసిన ‘అడుగడుగో యాక్షన్ హీరో.. అరే దేఖో యారో’ అనే పాటను విడుదల చేయనున్నారు. రూలర్ మోషన్ పోస్టర్ వీడియోలో బ్యాక్ గ్రౌండ్‌లో ఈ పాట వినిపిస్తుంది.

ప్రస్తుతం పోస్ట్ ప్రొడక్షన్ పనులు శరవేగంగా జరుగుతున్నాయి. డిసెంబర్ 15వ తేదీ ప్రీ-రిలీజ్ ఈవెంట్ జరుగనుందని తెలుస్తోంది. క్రిస్మస్ కానుకగా డిసెంబర్ 20న ‘రూలర్’  ప్రపంచవ్యాప్తంగా భారీగా విడుదల కానుంది. సంగీతం : చిరంతన్ భట్, కెమెరా : సి.రామ్ ప్రసాద్, నిర్మాత : సి.కళ్యాణ్.