Sai Pallavi: ఆ పాత్రకు నేను కరక్ట్ కాదు.. ముందే చెప్పాను.. ‘ఏక్ దిన్’ ప్లాప్ పై సాయి పల్లవి షాకింగ్ కామెంట్స్

star heroine sai pallavi shocking comments on ek din movie

• బాలీవుడ్ ఎంట్రీపై సాయి పల్లవి విశ్లేషణ.
• పాత్రకు సరిపోలేదని ఆమిర్‌కు వెల్లడి.
• స్క్రిప్ట్ నచ్చి సినిమాకు అంగీకారం.

Sai Pallavi: ఆమిర్ ఖాన్ తనయుడు జునైద్ ఖాన్ సరసన సాయి పల్లవి నటించిన బాలీవుడ్ చిత్రం ‘ఏక్ దిన్’ ఇటీవల విడుదలై మిశ్రమ స్పందనను మూటగట్టుకుంది. భారీ అంచనాల మధ్య విడుదలైన ఈ చిత్రం బాక్సాఫీస్ వద్ద ఆశించిన స్థాయిలో మెప్పించలేకపోయింది. ఈ నేపథ్యంలో తన బాలీవుడ్ అరంగేట్రంపై సాయి పల్లవి ఆసక్తికర వ్యాఖ్యలు చేశారు. వరుసగా బరువైన భావోద్వేగాలతో కూడిన పాత్రలు చేస్తున్న సమయంలో, మనసుకు తేలికగా అనిపించే కథ చేయాలనే ఉద్దేశంతోనే ఈ సినిమాను ఎంచుకున్నట్లు ఆమె వెల్లడించారు.

Thimmarajupalli tv OTT: ఓటీటీలోకి రూరల్‌ కామెడీ డ్రామా.. ‘తిమ్మరాజుపల్లి TV’ స్ట్రీమింగ్‌ ఎప్పుడంటే?

ఈ కథ విన్నప్పుడు తనకు ఇష్టమైన హాలీవుడ్ క్లాసిక్ ‘బిఫోర్ సన్‌రైజ్’ గుర్తుకు వచ్చిందని, అందుకే మరేమీ ఆలోచించకుండా వెంటనే అంగీకరించానని ఆమె తెలిపారు. షూటింగ్ సమయంలో ఎటువంటి ఒత్తిడి లేకుండా ప్రశాంతంగా గడిచిందని, కానీ సినిమా పూర్తయ్యాక తన నటనపై తనకే సందేహాలు కలిగాయని నిజాయతీగా ఒప్పుకున్నారు. ప్రీమియర్ చూసిన తర్వాత, ఈ పాత్రకు తాను సరిపోలేదనిపించిందని, మరింత ఉత్సాహంగా ఉండే కొత్త నటిని ఎంపిక చేసి ఉంటే బాగుండేదని స్వయంగా ఆమిర్ ఖాన్‌కే చెప్పినట్లు ఆమె వివరించారు.

సాయి పల్లవి(Sai Pallavi) తన నటనపై అసంతృప్తి వ్యక్తం చేసినప్పటికీ, హీరో జునైద్ ఖాన్ మాత్రం ఆమెకు మద్దతుగా నిలిచారు. ఆ పాత్రకు సాయి పల్లవి మాత్రమే సరైన న్యాయం చేయగలదని ఆయన అభిప్రాయపడ్డారు. థాయ్ చిత్రం ‘వన్ డే’కు రీమేక్‌గా వచ్చిన ఈ చిత్రాన్ని ఆమిర్ ఖాన్ ప్రొడక్షన్స్ నిర్మించింది. ఫలితం ఎలా ఉన్నా, ఒక నటిగా తనలోని లోపాలను బహిరంగంగా అంగీకరించే సాయి పల్లవి తీరును నెటిజన్లు అభినందిస్తున్నారు. తన తదుపరి హిందీ చిత్రాల విషయంలో ఆమె మరింత జాగ్రత్తగా అడుగులు వేయబోతున్నట్లు తెలుస్తోంది.