Samantha Nani Eto Vellipoyindi Manasu Movie Re Releasing
Samantha : సమంత కొన్నాళ్లుగా సినిమాలకు దూరమైన సంగతి తెలిసిందే. ఖుషి సినిమా తర్వాత మళ్ళీ సమంతని ఎప్పుడు తెరపై చూస్తామని అభిమానులు ఎదురుచూస్తున్నారు. అయితే సమంత నుంచి కొత్త సినిమా రావడానికి ఇంకా టైం పడుతుంది కాబట్టి ఈ లోపు ఒక పాత సినిమా రీ రిలీజ్ అవుతుంది. ఇటీవల ఒకప్పటి సూపర్ హిట్ సినిమాలు, క్లాసిక్ సినిమాలు రీ రిలీజ్ అవుతున్న సంగతి తెలిసిందే. ఈ క్రమంలో నాని, సమంత జంటగా నటించిన ‘ఎటో వెళ్లిపోయింది మనసు’ సినిమా రీ రిలీజ్ కాబోతుంది.
నాని, సమంత జంటగా గౌతమ్ మీనన్ దర్శకత్వంలో వచ్చిన ఈ సినిమా మంచి మెలోడీ క్లాసిక్ గా నిలిచింది. ఈ సినిమాకు ఇళయరాజా ఇచ్చిన పాటలు చాలా బాగుంటాయి. ఈ సినిమాని తెలుగులో నానితో – తమిళ్ లో జీవాతో చిత్రీకరించారు. ఎటో వెళ్లిపోయింది మనసు ఒక ఫీల్ గుడ్ లవ్ స్టోరీ. 2012 లో రిలీజయిన ఈ సినిమా అప్పట్లో యూత్ ని బాగా ఆకట్టుకుంది.
Also Read : Parakramam : బండి సరోజ్ కుమార్ ‘పరాక్రమం’.. చిరంజీవి పుట్టిన రోజునే సినిమా రిలీజ్..
ఈ మూవీని ఫోటాన్ కథాస్ సమర్పణలో తేజ సినిమా బ్యానర్ మీద సి.కళ్యాణ్ నిర్మించగా ఇప్పుడు మళ్ళీ 12 ఏళ్ళ తర్వాత ఆగస్ట్ 2న ఈ సినిమాని రీ రిలీజ్ చేస్తున్నారు. లక్ష్మీ నరసింహా మూవీస్ బ్యానర్ మీద సుప్రియ, శ్రీనివాస్ ఎటో వెళ్లిపోయింది మనసు సినిమాని రీ రిలీజ్ చేస్తున్నారు. ఈ సినిమాలో సమంత స్కూల్, కాలేజీ అమ్మాయిగా కూడా నటించి క్యూట్ గా ప్రేక్షకులని మెప్పించింది. దీంతో నాని, సమంత ఫ్యాన్స్ సంతోషం వ్యక్తం చేస్తున్నారు. మరోసారి క్యూట్ సమంతని థియేటర్లో చూడటానికి రెడీ అవుతున్నారు.
