Martin Luther King Teaser : సంపూర్ణేష్ బాబు మార్టిన్ లూథర్ కింగ్ టీజర్ రిలీజ్.. ఒక్క ఓటు కోసం సంపూని..

Sampoornesh Babu next Movie Martin Luther King Teaser Released

Martin Luther King Teaser : సంపూర్ణేష్ బాబు(Sampoornesh Babu) టాక్ తో సంబంధం లేకుండా వరుస సినిమాలు చేసుకుంటూ ముందుకు వెళ్తున్నాడు. హీరోగా, క్యారెక్టర్ ఆర్టిస్ట్ గా, కమెడియన్ గా సినిమాలు చేస్తున్నాడు. తాజాగా ఈసారి ఓ రీమేక్ సినిమాతో రాబోతున్నాడు సంపూర్ణేష్ బాబు. తమిళ్ లో యోగిబాబు ప్రధాన పాత్రలో తెరకెక్కిన మండేలా సినిమాకి రీమేక్ గా ‘మార్టిన్ లూథర్ కింగ్’ (Martin Luther King) అనే సినిమాతో రాబోతున్నాడు సంపూర్ణేష్ బాబు.

తాజాగా ఈ సినిమా టీజర్ రిలీజయింది. టీజర్ లో.. ఒక ఊర్లో ప్రసిడెంట్ పోటీ కోసం రెండు వర్గాలు పోటీ పడగా ఒక్క ఓటు తక్కువవుతుంది గెలవడానికి. ఆ ఒక్క ఓటు సంపూర్ణేష్ బాబు అవ్వడంతో అతన్ని ఆకట్టుకోవడానికి ఇరువర్గాలు ఏం చేశాయి, అతనికి ఏం ఇచ్చాయి అనే కథగా చూపించారు. దీంతో ఈ సినిమా పొలిటికల్ కామెడీ డ్రామాలా ఉండబోతుందని తెలుస్తుంది.

Also Read : Kangana Ranaut : దసరా బరిలో కంగనా.. ఇండియన్ ఎయిర్ ఫోర్స్ తో దూసుకొస్తున్న ‘తేజస్’.. టీజర్ రిలీజ్..

దీనిని పూర్తి రీమేక్ చిత్రంగా కాకుండా మెయిన్ పాయింట్ ని మాత్రం తీసుకోని పూజా కొల్లూరు ఈ సినిమాని డైరెక్ట్ చేస్తుంది. ఈ సినిమాలో నరేష్, డైరెక్టర్ వెంకటేష్ మహా కీలక పాత్రలు చేస్తున్నారు. దసరా తర్వాత అక్టోబర్ 27న ఈ మూవీని రిలీజ్ చేయబోతున్నట్టు కూడా ప్రకటించారు. తమిళ్ లో భారీ హిట్ కొట్టి పలు అవార్డులు సాధించిన మండేలా సినిమా రీమేక్ ఇక్కడ ఎలాంటి విజయం సాధిస్తుందో చూడాలి.