Oy Re Release : రీ రిలీజ్‌కి సిద్దమైన ‘ఓయ్’.. డైరెక్టర్‌ని తిట్టేసిన నెటిజెన్.. దర్శకుడు రిప్లై..

Siddharth Shamili Oy movie Re Release date update

Oy Re Release : సిద్దార్థ్ హీరోగా, షామిలి హీరోయిన్‌గా నటించిన లవ్ డ్రామా ఫిలిం ‘ఓయ్’. ఆనంద్ రంగ డైరెక్ట్ చేసిన ఈ చిత్రం 2009లో రిలీజ్ అయ్యింది. అమెరికన్ మూవీ ‘ఏ వాక్ టు రిమెంబర్’ స్టోరీని బేస్ చేసుకొని ఈ చిత్రం తెరకెక్కింది. నెగటివ్ ఎండింగ్ తో వచ్చిన ఈ సినిమా అప్పటిలో పెద్దగా విజయం సాధించలేక పోయింది. కానీ ఆ తరువాత జనరేషన్ లో మాత్రం.. ఈ సినిమాకి మంచి క్రేజ్ లభించింది. కల్ట్ లవ్ స్టోరీస్ లో ఈ సినిమా కూడా ఒకటిగా నిలిచింది.

దీంతో ఈ సినిమా రీ రిలీజ్ కోసం చాలామంది యూత్ ఆడియన్స్ ఎదురు చూస్తున్నారు. సోషల్ మీడియా వేదికగా దర్శకుడికి, నిర్మాత డివివికి అనేక రిక్వెస్ట్ లు వెళ్ళేవి. ఇక ఈ రిక్వెస్ట్ లు అన్ని చూసిన మేకర్స్.. ఈ సినిమా రీ రిలీజ్ కి సిద్ధం చేసేశారు. ఈ వాలంటైన్ డే నాడు ఈ చిత్రాన్ని రీ రిలీజ్ చేయబోతున్నారు. ఫిబ్రవరి 14న వరల్డ్ వైడ్ గా ఈ సినిమాని మరోసారి ఆడియన్స్ ముందుకు తీసుకు వస్తున్నారు.

Also read : Ambajipeta Marriage Band : ‘అంబాజీపేట మ్యారేజి బ్యాండు’ రివ్యూ.. బ్యాండ్ మేళం సౌండ్ గట్టిగానే వినిపిస్తుంది..

ఇక ఈ విషయాన్ని తెలియజేస్తూ దర్శకుడు ఒక పోస్ట్ వేశారు. ఆ పోస్టుకి ఓ నెటిజెన్ రియాక్ట్ అవుతూ.. ‘ఒరేయ్ గుండు నాయాల, ఇలాంటి మంచి సినిమా తీసి ఎటు పోయావురా’ అంటూ ట్వీట్ చేసింది. ఇక దానికి దర్శకుడు.. స్మైల్ ఎమోజితో రిప్లై ఇచ్చారు. దానికి ఆ నెటిజెన్ రియాక్ట్ అవుతూ.. ‘సారీ సార్ అలా పిలిచినందుకు’ అని కామెంట్ చేయగా, దర్శకుడు దానిని స్పోర్టివ్ గా తీసుకోని.. ‘ఏం పర్వాలేదు. కానీ నువ్వు అన్నది నిజమే’ అంటూ రిప్లై ఇచ్చారు.

ప్రస్తుతం ఈ కామెంట్స్ నెట్టింట వైరల్ గా మారాయి. దర్శకుడు రిప్లై ఇవ్వడేమో అనుకోని నెటిజెన్ అలా కామెంట్ చేసినట్లు మరో పోస్టు కూడా వేసింది. కాగా ఈ దర్శకుడు ఈ సినిమాతోనే డైరెక్టర్ గా కెరీర్ స్టార్ట్ చేశారు. అయితే ఆ తరువాత మళ్ళీ మరో సినిమా చేయలేదు. శ్రీకాంత్ అండ్ ప్రకాష్ రాజ్ తో 2020లో ఒక వెబ్ సిరీస్ తెరకెక్కించారు. అలాగే ఒక రెండు సినిమాలకు నిర్మాతగా కూడా వ్యవహరించారు. త్వరలోనే మళ్ళీ దర్శకుడిగా ఆడియన్స్ ముందుకు వస్తానని చెప్పుకొచ్చారు.