Telugu film chamber comments over Jani master issue
లైంగిక వేధింపుల ఆరోపణలతో కొరియోగ్రాఫర్ జానీ మాస్టర్‌పై కేసు నమోదైన సంగ‌తి తెలిసిందే. జానీ వివాదంపై తాజాగా ఫిల్మ్ ఛాంబర్ ఆఫ్ కామర్స్ గౌర‌వ కార్య‌ద‌ర్శి దామోదర్ ప్రసాద్ స్పందించారు. పరిశ్రమలోని లైంగిక వేధింపుల ఫిర్యాదులను ప‌రిష్క‌రించేందుకు 2018 నుంచి లైంగిక వేధింపుల పరిష్కార ప్యానెల్ అందుబాటులో ఉన్న‌ట్లు తెలిపారు.
మహిళా కొరియోగ్రాఫర్ నుండి వచ్చిన ఫిర్యాదును ప్యాన‌ల్ స్వీక‌రించిన‌ట్లు చెప్పారు. తెలుగు ఫిల్మ్ అండ్‌ టీవీ డ్యాన్సర్స్ అండ్‌ డ్యాన్స్ డైరెక్టర్స్ అసోసియేషన్‌లో ప్రముఖ కొరియోగ్రాఫర్ మీద వచ్చిన ఫిర్యాదును పరిష్కరించడానికి కమిటీని ఏర్పాటు చేసిన‌ట్లు తెలిపారు. ఫిర్యాదు విచార‌ణ ప్ర‌క్రియ‌లో ఉన్న‌ట్లు చెప్పారు. అందువ‌ల్ల విచార‌ణ పూర్తి అయ్యే వ‌ర‌కు స‌ద‌రు మ‌గ కొరియోగ్రాఫ‌ర్‌ను యూనియన్‌లో ప్రెసిడెంట్ పోస్ట్ నుంచి త‌ప్పించాల‌ని ఇప్ప‌టికే ఫెడ‌రేష‌న్‌ను ఆదేశించిన‌ట్లు తెలిపారు.
లైంగిక వేధింపుల ఫిర్యాదుల విషయంలో మహిళలు తెలుగు ఫిల్మ్ ఛాంబర్ ఆఫ్ కామర్స్‌ను సంప్రదించవచ్చున‌న్నారు. తెలుగు ఫిల్మ్ ఛాంబర్ ఆఫ్ కామర్స్ కార్యాలయం వెలుపల ఫిర్యాదు పెట్టె ఉంచిన‌ట్లు చెప్పారు. ఉదయం 6 నుండి రాత్రి 8 గంటల స‌మ‌యంలో ఎప్పుడైనా ఫిర్యాదు చేయ‌వ‌చ్చున‌ని వెల్ల‌డించారు. వాట్సాప్ నెంబ‌ర్ 9849972280, complaints@telugufilmchamber.in మొయిల్‌, లేదంటే.. తెలుగు ఫిల్మ్ ఛాంబర్ ఆఫ్ కామర్స్, డా. డి.రామానాయుడు బిల్డింగ్ కాంప్లెక్స్, ఫిలింనగర్, జూబ్లీహిల్స్, హైదరాబాద్-500 096 పోస్ట్ లేదా కొరియర్ ద్వారా ఫిర్యాదులను పంపవచ్చున‌న్నారు. పంపిన వారి వివ‌రాల‌ను గోప్యంగా ఉంచుతామన్నారు.
తెలుగు ఫిల్మ్ ఛాంబర్ ఆఫ్ కామర్స్- లైంగిక వేధింపుల పరిష్కార ప్యానెల్..
KL దామోదర్ ప్రసాద్ ( Hon సెక్రటరీ & కన్వీనర్), ఝాన్సీ( చైర్‌పర్సన్)
అంతర్గత సభ్యులు : తమ్మారెడ్డి భరద్వాజ, సుచిత్రా చంద్రబోస్, వివేక్ కూచిభొట్ల, ప్రగతి మహావాది
బాహ్య సభ్యులు : రామలక్ష్మి మేడపాటి( సామాజిక కార్యకర్త,మీడియా నిపుణురాలు) కావ్య మండవ (న్యాయవాది, POSH నిపుణురాలు)
