Thalapathy Vijay copy Sudigali Sudheer movie title for his 68th film title
Vijay : తమిళ్ స్టార్ హీరో దళపతి విజయ్.. రీసెంట్ గా లియో సినిమాతో బ్లాక్ బస్టర్ అందుకున్నారు. ప్రస్తుతం తన 68వ సినిమాని వెంకట్ ప్రభుతో చేస్తున్నట్లు ప్రకటించిన సంగతి తెలిసిందే. ఆల్రెడీ షూటింగ్ మొదలుపెట్టుకున్న ఈ చిత్రం శరవేగంగా షూటింగ్ జరుపుకుంటుంది. Thalapathy68 వర్కింగ్ టైటిల్ తో చిత్రీకరణ చేస్తున్న మూవీ టీం.. నేడు టైటిల్ ని అనౌన్స్ చేస్తూ ఫస్ట్ లుక్ ని కూడా రిలీజ్ చేశారు.
ఈ చిత్రానికి ‘ది గోట్’ (The Greatest Of All Time) అనే ఇంగ్లీష్ టైటిల్ ని అనౌన్స్ చేశారు. అయితే ఇదే టైటిల్ తో మన సుడిగాలి సుధీర్ ఆల్రెడీ ఓ సినిమా అనౌన్స్ చేసి షూటింగ్ ని కూడా పూర్తి చేసే టైంకి చేరుకున్నారు. విశ్వక్ సేన్ తో ‘పాగల్’ వంటి రొమాంటిక్ ఎంటర్టైనర్ ని తెరకెక్కించిన నరేష్ కుప్పిలి ఈ సినిమాకి దర్శకత్వం వహిస్తున్నాడు. ఇక ఇప్పుడు సుధీర్ సినిమాతోనే విజయ్ మూవీ అనౌన్స్ చేయడంతో.. సుధీర్ సినిమా మరోసారి ట్రెండ్ అవుతుంది.
Also read : 2023 Roundup : 2023లో ఎక్కువ హిట్స్ అందుకున్న హీరోయిన్స్ వేరే..
— Vijay (@actorvijay) December 31, 2023
ఇక ఈ టైటిల్ తో పాటు మూవీలోని విజయ్ లుక్స్ ని కూడా రివీల్ చేశారు. ఈ ఫస్ట్ లుక్ పోస్టర్ తో విజయ్ ఈ మూవీలో.. తండ్రీకొడుకులుగా రెండు పాత్రలు చేయబోతున్నారని తెలుస్తుంది. కాగా ఈ మూవీ స్టోరీకి సంబంధించిన ఒక కథ కూడా నెట్టింట వైరల్ అవుతుంది. 1971లో డిబి కూపర్ అనే వ్యక్తి విమానంలో భారీ దొంగతనానికి పాల్పడి.. గాలిలో ఉన్న విమానం నుంచి పారాచ్యుట్ తో దొకేశాడు.
ఆ కూపర్ అనే వ్యక్తి ఇప్పటికి దొరకలేదు. ఆ మిస్టరీని బేస్ చేసుకొని ఈ సినిమాని తెరకెక్కిస్తున్నారని చెబుతున్నారు. మరి ఈ వార్తల్లో నిజమెంతో తెలియదు. AGS ఎంటర్టైన్మెంట్ బ్యానర్ లో తెరకెక్కుతున్న ఈ సినిమాకి యువన్ శంకర్ రాజా సంగీతం అందించబోతున్నారు. 2024 సమ్మర్ కి ఈ సినిమా రిలీజ్ ని ప్లాన్ చేస్తున్నట్టు తెలుస్తోంది
