Unstoppable with NBK : బాలయ్య దెబ్బకి ‘థింకింగ్’ మారిపోతుందని ముందే చెప్పాం-‘ఆహా’ టీం

Unstoppable With Nbk

Unstoppable with NBK: సిల్వర్ స్క్రీన్ అయినా.. స్మాల్ స్క్రీన్ అయినా.. మా బాలయ్య బాబు బరిలో దిగనంత వరకే.. దిగితే రికార్డుల రచ్చ రంబోలానే అంటూ సోషల్ మీడియాలో తెగ సందడి చేస్తున్నారు బాలయ్య ఫ్యాన్స్. ఇటీవల ‘అఖండ’ తో ‘అఖండ’ విజయం సాధించి ఇండస్ట్రీకి కొత్త ఉత్సాహాన్నిచ్చారు బాలయ్య.

Akhanda : భం ‘అఖండ’.. 50 రోజుల ట్రైలర్ అదిరిందిగా..

తొలి తెలుగు పాపులర్ ఓటీటీ ‘ఆహా’ ఏం చేసినా సెన్సేషనే.. అందులో బాలయ్య హోస్ట్‌గా టాక్ షో అంటూ తెలుగు ప్రేక్షకులకు, బాలయ్య అభిమానులకు షాక్‌తో కూడిన సర్‌ప్రైజ్ ఇచ్చారు ‘ఆహా’ టీం. కట్ చేస్తే, ప్రోమోస్ దగ్గరి నుండే ‘అన్‌స్టాపబుల్ విత్ యన్‌బికె’ షో మీద అంచనాలు పెంచేసారు.

Unstoppable with NBK : సోషల్ మీడియాను షేక్ చేస్తున్న బాలయ్య..

అనుకున్నదానికి మించి షో సూపర్ డూపర్ హిట్ అయ్యింది. హోస్టింగ్ కొత్త అయినా ఓటీటీలోనూ తన స్టైల్లో అదరగొట్టేశారు బాలయ్య. సెలబ్రిటీలతో కలిసి సందడి చేస్తూ.. వారిని సరదా ప్రశ్నలడుగుతూనే ఎమోషనల్‌గా ఆకట్టుకున్నారు. ఈ షో IMDB రేటింగ్స్‌లో 9.7 రేటింగ్‌తో టాక్ షోస్‌లో దేశంలోనే నెం.1 ప్లేస్ సాధించిన సంగతి తెలిసిందే.

ఈ నేపథ్యంలో ‘ఆహా’ టీం సోషల్ మీడియాలో చేసిన పోస్టులు ఆకట్టుకుంటున్నాయి. ‘అన్‌స్టాపబుల్ విత్ యన్‌బికె’ షో కు ‘ది బాప్ ఆఫ్ ఆల్ టాక్ షోస్’, ‘దెబ్బకి థింకింగ్ మారిపోవాలా’.. అంటూ అదిరిపోయే ట్యాగ్ లైన్స్ వాడారు. మేమెందుకలా అన్నామో తెలుసా? ఇందుకే.. అంటూ తమ షో హయ్యెస్ట్ రేటింగ్ సాధించడం పట్ల సంతోషం వ్యక్తం చేసింది ‘ఆహా’ టీం.