Varalaxmi Sarathkumar Sabari Movie Review and Rating and OTT Streaming Details Here
Varalaxmi Sarathkumar Sabari : వరలక్ష్మీ శరత్ కుమార్ చేసిన లేడీ ఓరియెంటెడ్ సినిమా ‘శబరి’ మే 3న థియేటర్స్ లో రిలీజయింది. మహా మూవీస్ బ్యానర్ పై మహేంద్రనాథ్ కూండ్ల నిర్మాణంలో అనిల్ కాట్జ్ దర్శకత్వంలో శబరి సినిమా తెరకెక్కింది. తాజాగా ఇప్పుడు శబరి సినిమా ఓటీటీలోకి వచ్చేసింది. నేడు అక్టోబర్ 11న శబరి సినిమా sunNXT ఓటీటీలో రిలీజయింది. తెలుగుతో పాటు తమిళ్, హిందీ, కన్నడ, మలయాళ భాషల్లో ఈ సినిమా స్ట్రీమింగ్ అవుతుంది.
శబరి కథ విషయానికొస్తే.. సంజన (వరలక్ష్మీ శరత్ కుమార్) తన భర్త(గణేష్ వెంకట్రామన్) విడిచిపెట్టి, కూతురు రియాతో కలిసి విశాఖపట్నంలో కొత్త జీవితం ప్రారంభిస్తుంది. సంజన ఒంటరిగా ఉంటున్న ఆ సమయంలో సూర్య (మైమ్ గోపి) అనే క్రిమినల్ ఆమెను వెంటాడుతాడు. అసలు సూర్య ఎవరు? సంజనను ఎందుకు వెంటాడుతున్నాడు? సంజన తన భర్తతో ఎందుకు విడిపోయింది? తన కూతురిని కాపాడుకోవడానికి సంజన ఏం చేసింది తెలియాలంటే సినిమా చూడాల్సిందే.
Also Read : Vishwambhara : మెగాస్టార్ చిరంజీవి ‘విశ్వంభర’ అప్డేట్.. టీజర్ రిలీజ్ ఎప్పుడంటే..
ఈ సినిమాలో.. వరలక్ష్మీ శరత్ కుమార్ సింగిల్ మదర్‌ పాత్రలో అద్భుతంగా నటించింది. తల్లి పాత్రతో కూతురి కోసం ఆమె చేసిన పోరాటం ప్రేక్షకులను ఎమోషనల్ చేస్తుంది. ఆమె కోర్టు సీన్‌లో అయితే తన నటనతో అదరగొట్టేసింది వరలక్ష్మి. ఇక మైమ్ గోపి విలన్ పాత్రలో ఆకట్టుకోగా, సునైనా, గణేష్ వెంకటరామన్, శశాంక్, మధునందన్, భద్రం, ప్రమోదిని.. మిగిలిన నటీనటులు కూడా తమ నటనతో మెప్పించారు. సునైనా కామెడీతో ప్రేక్షకులని బాగానే నవ్వించారు. సినిమాలో సినిమాటోగ్రఫీ విజువల్స్ అద్భుతంగా ఉన్నాయి. ముఖ్యంగా ఫారెస్ట్ సన్నివేశాలను బాగా చూపించారు. గోపీ సుందర్ ఇచ్చిన బ్యాక్‌గ్రౌండ్ మ్యూజిక్ మంచి ఉత్కంఠను కలిగించింది. ఎడిటింగ్ కూడా బాగా అచేసారు. నిర్మాత మహేంద్ర నాథ్ కూండ్ల ఎక్కడా రాజీపడకుండా సినిమాకు బాగానే ఖర్చుపెట్టారు. లొకేషన్స్, విజువల్స్ సినిమాకు మంచి రిచ్ లుక్ ఇచ్చాయి.
ఫైనల్ గా ‘శబరి’ సినిమా తల్లి ప్రేమ, కూతురిని కాపాడుకోవడం కోసం తల్లి పడే తపన చుట్టూ సస్పెన్స్ థ్రిల్లర్ గా తెరకెక్కించారు. సస్పెన్స్ తో పాటు ఎమోషన్ కూడా వర్కౌట్ అయింది. వరలక్ష్మీ శరత్ కుమార్ సింగిల్ మదర్‌గా మెప్పించింది. ఈ సినిమాని థియేటర్స్ లో మిస్ అయినవాళ్లు ఓటీటీలో చూసేయండి. ఈ సినిమాకు 2.75 రేటింగ్ ఇవ్వొచ్చు.
