Vijay Devarakonda: లైగర్ హాట్ కామెంట్స్.. ఇష్టం లేకపోయినా చేశాడట!

Vijay Devarakonda About Liger At Trailer Launch

Vijay Devarakonda: టాలీవుడ్ ప్రేక్షకులు ఎప్పుడెప్పుడా అని ఎదురుచూసిన విజయ్ దేవరకొండ ‘లైగర్’ ట్రైలర్ ఎట్టకేలకు రిలీజ్ అయ్యింది. స్టార్ డైరెక్టర్ పూరీ జగన్నాధ్ తెరకెక్కించిన ఈ ఔట్ అండ్ ఔట్ కల్ట్ యాక్షన్ ఎంటర్‌టైనర్ మూవీలో విజయ్ దేవరకొండ ఓ బాక్సింగ్ ఫైటర్‌గా మనల్ని ఎంటర్‌టైన్ చేసేందుకు రెడీ అయ్యాడు. ఇప్పటికే ఈ సినిమా పోస్టర్స్, టీజర్, సాంగ్ ప్రేక్షకులను ఉర్రూతలూగించాయి. ఇక ఇప్పుడు ఈ చిత్ర ట్రైలర్ ప్రేక్షకులను లైగర్ మేనియాలో ఊపేస్తుంది.

Liger Trailer: నువ్వు ఫైటర్ అయితే మరి నేనేంటి – మైక్ టైసన్

హైదరాబాద్‌లోని సుదర్శన్ థియేటర్‌లో ఈ ట్రైలర్ లాంఛ్ ఈవెంట్‌ను ప్రేక్షకుల మధ్య ఘనంగా నిర్వహించింది చిత్ర యూనిట్. ఈ ట్రైలర్ లాంఛ్ వేడుకకు లైగర్ చిత్ర యూనిట్ మొత్తం హాజరయ్యారు. ఈ క్రమంలో హీరో విజయ్ దేవరకొండ, హీరోయిన్ అనన్యా పాండేలకు గ్రాండ్ వెల్క్‌మ్ చెప్పారు అభిమానులు. ఇక ఈ సినిమా ట్రైలర్ లాంఛ్ సందర్భంగా విజయ్ దేవరకొండ మాట్లాడుతూ.. ఈ మాస్ మెంటల్ ఏందిరా అయ్యా.. మా అయ్యా తెల్వదు, మా తాతా తెల్వదు.. నా సినిమా రిలీజ్ అయ్యి రెండేళ్లు అవుతోంది.. అది కూడా పెద్దగా చెప్పుకునే సినిమా కాదు.. ట్రైలర్‌కే ఈ రచ్చ ఏందిరా నాయానా.. మీ ప్రేమను నేను మాటల్లో చెప్పలేనంటూ కామెంట్ చెశాడు. ఇక లైగర్ సినిమాలో తన మేనరిజంతో ‘ఐ..ఐ..ఐ.. లవ్ యు’ అంటూ తన అభిమానులకు కావాల్సినంత కిక్ ఇచ్చాడు.

Vijay Devarakonda : లైగర్ బిజినెస్ అయిపోయిందా?? విజయ్ కి బాలీవుడ్ బాగా కలిసొస్తుందా??

అయితే లైగర్ సినిమా కోసం తాము చాలా కష్టపడ్డామని.. తనకు డ్యాన్స్ అంటే చిరాకు అని.. అయినా తన అభిమానుల కోసం ఈ సినిమాలో డ్యాన్స్, ఫైట్స్ చేశానంటూ విజయ్ దేవరకొండ చెప్పుకొచ్చాడు. ఈ సినిమాను తన అభిమానులకు డెడికేట్ చేస్తున్నట్లుగా విజయ్ దేవరకొండ పేర్కొన్నాడు. ఇక హీరోయిన్ అనన్యా పాండే మాట్లాడుతూ.. ఈ సినిమాకు, విజయ్ దేవరకొండకు ఉన్న క్రేజ్ చూసి తాను షాక్ అవుతున్నానని.. తాను కూడా హైదరాబాదీల ప్రేమకు ఫిదా అయిపోయానని చెప్పుకొచ్చింది. ఈ ట్రైలర్ లాంఛ్ ఈవెంట్‌లో దర్శకుడు పూరీ జగన్నాధ్, ఛార్మి, కరణ్ జోహర్‌లు కూడా పాల్గొన్నారు. ఇక ఆగస్టు 25న ఇండియాను షేక్ చేద్దామని విజయ్ దేవరకొండ చెప్పడంతో ఫ్యాన్స్ రీసౌండ్‌తో హాలు మొత్తం లైగర్ పేరుతో మార్మోగిపోయింది.