Vijay- Ajith: విజయ్ కి TVK సూట్ గిఫ్ట్ ఇచ్చిన అజిత్.. షాకైన తమిళనాడు సీఎం.. వైరల్ అవుతున్న పిక్స్

Actors Vijay and Ajith Kumar reunite at Silverstone Racing Circuit in UK

• బ్రిటన్‌లో విజయ్ అజిత్ కలయిక
• విజయ్‌కి అజిత్ రేసింగ్ సర్ప్రైజ్
• వైరల్ అవుతున్న రేసింగ్ పిక్స్

Vijay- Ajith: కోలీవుడ్ సినీ చరిత్రలోనే అత్యంత అరుదైన, అభిమానులను కట్టిపడేసే అద్భుత ఘట్టం బ్రిటన్‌లో ఆవిష్కృతమైంది. తమిళ సినీ రంగంలో దశాబ్దాలుగా బాక్సాఫీస్ వద్ద ప్రత్యర్థులుగా పోటీపడుతున్న అగ్ర కథానాయకులు విజయ్, అజిత్ కుమార్ (Vijay- Ajith)ల మధ్య ఉన్న నిజమైన స్నేహబంధం మరోసారి బయటపడింది. బ్రిటన్‌లోని ప్రసిద్ధ సిల్వర్‌స్టోన్ రేసింగ్ సర్క్యూట్ వేదికగా శనివారం వీరిద్దరూ కలవడం, సోషల్ మీడియాలో విపరీతంగా వైరల్ అవుతూ ఇరువర్గాల అభిమానుల్లో కొండంత ఉత్సాహాన్ని నింపింది.

TG SI Recruitment: తెలంగాణ ఎస్సై అభ్యర్థులకు అలర్ట్.. 275 ఎస్సై, జైలర్ పోస్టులకు ఆఖరి తేదీ.. వెంటనే అప్లై చేసుకోండి!

విజయ్‌కు అజిత్ రేసింగ్ సర్ప్రైజ్:

రేసింగ్ అనంతరం అజిత్ కుమార్, విజయ్‌ను ఊహించని బహుమతితో ఆశ్చర్యపరిచారు. విజయ్ రాజకీయ పార్టీ ‘టీవీకే’ రంగులను పోలి ఉన్న ఒక ప్రత్యేకమైన రేసింగ్ సూట్‌ను అజిత్ ఆయనకు ఆప్యాయంగా బహుకరించారు. ఈ అనూహ్య కానుక విజయ్‌కి ఒక తీపి జ్ఞాపకంగా నిలవగా, ఈ అరుదైన క్షణం కోలీవుడ్ వర్గాల్లో పెద్ద ఎత్తున చర్చనీయాంశంగా మారింది.

రేసింగ్ ట్రాక్‌పై దిగ్గజాల సందడి:

కేవలం బహుమతి అందించడమే కాకుండా, కార్ రేసింగ్ పట్ల విపరీతమైన మక్కువ ఉన్న అజిత్.. విజయ్‌ని తన కారులో ఎక్కించుకుని సిల్వర్‌స్టోన్ ట్రాక్‌పై స్వయంగా నాలుగు లాప్‌లు చక్కర్లు కొట్టారు. దశాబ్దాలుగా వెండితెరపై పోటీపడిన ఈ ఇద్దరు గ్లోబల్ స్టార్లు, వ్యక్తిగత జీవితంలో చూపించిన ఈ అపూర్వ బంధం అభిమానులను ఎంతో భావోద్వేగానికి గురిచేస్తోంది.