Viral Video: తరగతి గదిలోనే ఫైటింగ్ చేసుకున్న ఇద్దరు టీచర్లు.. ఎందుకంటే?

పాఠశాలకు ఆలస్యంగా వెళ్తే విద్యార్థులను ఉపాధ్యాయులు కొట్టడం సాధారణమే. మరి ఉపాధ్యాయులు ఆలస్యంగా వస్తే? చాలా చోట్ల వారిని మాత్రం ఎవరూ ఏమీ అనరు. ఆగ్రాలోని ఓ స్కూల్లో మాత్రం ఇటువంటి ఘటన చోటుచేసుకుంటే పరిస్థితులు హింసాత్మకంగా మారతాయనేలా ఇద్దరు టీచర్లు కొట్టుకున్నారు.

పూర్తి వివరాల్లోకి వెళ్తే.. ఆగ్రాలోని ఓ ప్రాథమిక పాఠశాలలోకి ఉపాధ్యాయురాలు ఆలస్యంగా వచ్చారు. ఎందుకు ఆలస్యమైందంటూ ఆమెను ప్రధానోపాధ్యాయురాలు నిలదీశారు. దీంతో ఆ ఇద్దరి మధ్య ఫైటింగ్ జరిగింది. బట్టలు చిరిగేలా వారు కొట్టుకున్న తీరు ఆశ్చర్యానికి గురిచేస్తోంది.

మర్యాదగా నడుచుకోవాలని ఒకరికొకరు బుద్ధులు చెప్పుకుంటూనే ఆ ఇద్దరు టీచర్లు కొట్టుకున్నారు. దీంతో ఇతర టీచర్లు వచ్చి ఆ ఫైటింగ్ ను ఆపేందుకు ఎంతగా ప్రయత్నించినా వారు ఆపలేదు. గొడవ పడ్డ ఆ ఇద్దరు టీచర్లను విడిపించడం అక్కడున్న ఇతర టీచర్లు ఎవరికీ సాధ్యం కాలేదు.

మధ్యలో వచ్చిన వారిని కూడా చితకబాదతాం అన్నట్లు వ్యవహరించారు. ఆ సమయంలో తీసిన వీడియో సామాజిక మాధ్యమాల్లో వైరల్ అవుతోంది. టీచర్‌కి గాయాలైనట్లు తెలుస్తోంది. టీచర్ పై ప్రిన్సిపాల్ మేడం పోలీసులకు ఫిర్యాదు చేశారు.

Also Read : టీడీపీ ఎమ్మెల్యే గోరంట్ల బుచ్చయ్య చౌదరికి చేదు అనుభవం.. తిరగబడిన మహిళలు, ఎందుకంటే..